السلام عليكم
للتواصل[poem=font="Simplified Arabic,6,black,normal,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""]
فداك الحب ياقلبي تركد واترك المقفين=ومالك في سراب العشق ياقلبي ولا حاجه[/poem]
انا ادري مستحيل تمثل السلوه مع السالين=ولكن كبريائك لا يموت بغبة امواجه
تذكر كان له حنيت والا لنت يامسكين=جروحك كلبوها من سبب سوطه و كرباجه
ترى شرع الهوى مايرحم الغاوين ياغاوين=تعاسة مدمنينه ترجمت حكمه ومنهاجه
تشوف العاشق بيومه مع العالم وفاله زين=تسيجج لين ياتيه الظلام ويطفي اسراجه
تمنى غفوتن ينسابها همه مع الغافين=وليله سرمدي ودموع عينه جات ثجاجه
هجاده لا نظر ذاك المكان وفاضت العينين=مكان فيه باقي ريحته واغراض مكياجه
تذكر من خذاه الموت في ذاك الزمان الشين=تذكر نظرته لاسلهمت عينه من غناجه
كذا حاله بعد مامرمن فقده ثلاث سنين= وعن ذكرى الليالي مالقى درب لمخراجه
صفاء الحب مع صدق المشاعر شفت هالثنتين=يموت الادمي والحب غير الموت ما ماجه
ولكن وين عشقن فات ما هو عشق ذا اليومين=علاقه مصلحه والقلب صاف الحب ماداجه
نسيت العشق يومه صار لعبه في يد اللاهين=ولو بين الحنايا جمرتن بالحب وهاجه
عزاك الذكريات الماضيه ياقلبي المسكين=ومالك في غرام اليوم ياقلبي ولا حاجه
رد مع اقتباس
