السلام عيكم ورحمة الله وبركات
تحياتي للجميع بعد غياب طويل عدت لكم طالباالعذر والسماح ويقولون الغايب حجته معه
وتقبلوا مني هذه المشاركة المتواضعة ارجوا ان تنال رضا ذائقتكم
[poem=font=",6,darkblue,normal,normal" bkcolor="transparent" bkimage="" border="none,4," type=2 line=1 align=center use=ex num="0,black""]
لاشفتني أقبل اعذارك تماديت = مر(ن) تجيب العذرومر(ن) بلاسباب
ياكثرها الاعذار ياما ترجيت = حبل الرجا في بعض الاحيان كذاب
لوكان ودك للوفا ما توانيت = لكنك انته والجفا صاير اصحاب
ذابت شموعي كلها وانت ماجيت= يبست ورودي كـنها باقي اعشاب
تنشدني عنك الستاير وعانيت = يوم النسايم غادرتها مع الباب
ماجا على بالك تقول انك اخطيت = تطلب سماح اللي يودك بلاحساب
مدري غرورك يمنعك او تغليت = والالعوب(ن)ناوي(ن) غلب وتعاب
لاتحسب اني من جروحي تعافيت = ونة خفوقي واكبر الجرح ماطاب
اصعب علي اني اشوفك تناسيت = والسيرة اللي بيننا نجمها غاب
ماتذكراني يوم احبك تنقيت = مالا ق لي غيرك وانا جيت طلاب
يرضيك (ف) الآخر تجيني وانا ميت = تبكي بقايا النزف والدمع ينسا ب
[/poem]