[poem=font="simplified arabic,6,black,bold,italic" bkcolor="transparent" bkimage="" border="none,4,gray" type=2 line=0 align=center use=ex num="0,black""]
**
شعوري لاابتدى شوقي = غديت الشاعر الملهم
وشعري حرفهِ احساسي = مشاعر واضحه تُفهم
ولي نظره تبصرني = وعندي في الهوى مرسم
ورجلي مامشيت ابها= عـــدا بالطيبِ والمغنم
وعزمي مانثى لو هو = قسى به هالزمن وأظلمْ
ولي كلمة تميزني = بقولٍ صــــادقٍ محكمْ
وحتى مزحتي تأبى = تجور وتجرح وتؤلمْ
وامتع نظرتي لكن = أغض الطرف لو يَحرمْ
واصون الصاحب وجاري = عزيز بجريتي محشمْ
حبيبي كل ماتقدم = ملامح عاشقك فاعلم
وزيد المعرفه إني = احبك قبل لااتكلمْ
محبة حب مايوصف = ولايخضع لكيف وكم
حقيقه حبك بقلبي = عروقه والهوا والدم
ولاتسال عَنِ مْيولي = بغيرك ماني بمهتم
كفايه انت واحساسي = بكم كل الهنا قد تم
حبيبي والحلا قسمهْ = وربك من عطى واحرم
وشفت الزين وأثوابهْ = لزينك يا هوى اتصمم
حضورك آه ياحضورك = شتاتي باللقا يلتم
وريقك يطعم ويروي = كأنك شاربٍ زمزم
فديته صوت هالمبسم = حلا تــرنيمه مرنم
فديته لا اقترب ثمن = تلامس مسمعي بالفم
وصار يغرد بهمسه = تصحي ثورة متيـــمْ
تحقق كل احلامي = لاوالله زودها واعظمْ
حبيبي مختصر فرحي = كثر مافيك يامتمم
حقيقه انت واحساسي = كفايه لالتقوا ننعم
[/poem]