قال انت شاعر مير ماعنـدك احسـاس
تـكـتـب قـصـيـد ولا مــعــك بــيــت تـأثـيــر
مهمـا اشتـهـرت ورددوا شـعـرك الـنـاس
وابـدعـت فــي بـعـض الجـمٌـل والتعابـيـر
وكتـبـت شـعــرٍ مـثــل زيـنــات الاعـــراس
فـــيـــه الــبــيـــوت مــلــونّـــات الـتـعـابــيــر
مانـعـتـرف بـــك بالمـحـيـطـات غــطــاس
الله يـخــلــي(ذيــب) طــــلّــــع شــواعـــيـــر
ابـــوك يـكـتـب لـــك تـــرى مـنــت نـبــراس
ويـكــتــب لـغــيــرك عـارفــيــن الـتـقـاريــر
ومخـبـاك دايـــم يشـتـكـي زود الافـــلاس
اكــثـــر رصــيـــدٍ فــيـــه عــشـــرة دنـانــيــر
قــلــت الـعـفـو:لابـاس لابــــاس لابــــاس
وجـهـة نـظـر وانــا احـتــرم نـظــرة الـغـيـر
ظلـمـتـنـي لاتـحـســب الـظـلــم نــومـــاس
مشـكـور كـانــك قـاصــد الـنـقـد والـخـيـر
عــنـــدي قـنـاعـةحــر والــحـــر قــرنـــاس
والـحــر فـعـلـه غـيــر فــعــل العـصـافـيـر
مـاهـمـنــي حــاســـد وظــالـــم وهــمّـــاس
اكـتـب واسـطّـر جــزل الامـثـال تسـطـيـر
وابـــوي وكْـلـيْـب ابـــن وايــــل وجــســاس
من هو..؟بيكتب لي وانا سالم الزير!!
انــا اكـتـب اشـعـاري مــع كــل هـوجـاس
مـشــاعــري مــاهـــي تـصــنّــع وتــزويـــر
والفـقـر مـاهـو عـيـب يـاطـيّـب الـســاس
لــعـــل غــيـــر الـفــقــر مــابـــي مـعـايـيــر
الـمـال قـرطـاسٍ يـجــي فـــوق قـرطــاس
وعـنـد الــردي مـثـل الشـحـم بالخـنـازيـر
هـــذا وانــــا مــــن لابــــةٍ تــرفــع الــــراس
اهـــــل الـمــكــارم والـســيــوف الـبـواتـيــر
شمـر هلـي كــان الـزمـن دق الاجــراس
تـاقـف بـصـفـي مـثــل صـــف المـغـاويـر
والـنـعـم فـــي كـــل الـقـبـايـل والاجــنــاس
كـــلٍ عـلــى حــقــه يــــدوس المـخـاسـيـر
واغـلـى مــن اليـاقـوت والـــدر والـمــاس
عندي هوى (الجهراءْ) وحب الجماهيـر
وليد العمودي