ترضون ياحساد ولاتزعلون

[عبدالله الــروقي]

واتل قلبي منك يالطرف الحنون
اللي خذا قلبي بنظراتن منه
اللي سحر قلبي بنظرات العيون
المترفه كل الحلا منه وعنه
ترسل سهام الحب من ذيك الجفون
تقول للعاشق رماحن تطعنه
طيفي وشعري كلها جاتك بهون
والعاشق الولهان جر لك لحنه
تهون لاوالله عندي ماتهون
غالي وذكرك وسط قلبي يسكنه
تمون ياخلي على روحي تمون
والقلب ياخلي رهينه وارهنه
القلب لا من غبت يطفي يافتون
وترى على فكره وصالك يشحنه
لاجيت انا بوصفك شعري لك يخون
مايكتفي بالوصف لو جاب احسنه
فاق الجمال وفاقت اوصاف الهتون
وتعجز على وصفه جميع الالسنه
ترضون ياحساد ولاتزعلون
غلاه في قلبي وسره دافنه

[عزوز]

صح لسانك يابطل

بإنتظار جديدك ياشاعر بالخفاء


القنآص ..؛

[عبدالله الــروقي]

يسعدك ربي عالمرور وبيض الله وجهك ولاهنت

[عبدالرحمن الحميدي]

صح لسانك ياشاعر
مبدع مبدع
مليون واكثر صح لسانك ولا هنت

[عبدالله الــروقي]

عبدالرحمن الله لايهينك وبيض الله وجهك ومرورك ينومسني دمت بكل التقدير

[سامي العطاوي]

شآعر فالخفاء

صح لسانك ملايين

لآهنت

[عبدالله الــروقي]

صح بدنك والله لايهينك على المرور العطر تحياتي لك

[النااايفة]

ترضون ياحساد ولاتزعلون
غلاه في قلبي وسره دافنه


رائعه من روائعك


سلمت ولاهنت

[عبدالله الــروقي]

النايفه وجودك شرف شكرا لك ولاهنتي ياغلاي سلمت اناملك

[كاسب العز]

عبد الله خلف

صح لسانك

لاهنت

[عبدالله الــروقي]

لاهنت على المرور

[مفرح بن مناحي]

نص رائع لقلم مميز
صح لسانك وسلم بنانك
ودام هذا الشعور العذب
أخوك
مفرح السبيعي