الصاحب اللي مايودك خلّه
عل الزمن يرويه مما اسقاني
لامن نخيته واحتميت بظلّه
سن الرماح وقطع الوجداني
قمت اتفكر في زماني كلّه
ان كنت انا مظلوم والا جاني
كتبت شعري من لهيب وعلّه
وصرت اتألم من جرا ماجاني
لاتحسب اني بعتبرها زلّه
ماني بالاول واعتبرني ثاني
شريت همك من قليل وجلّه
واليوم عادي ناوي ٍ تنساني
غروك ناس ٍ تعتبرهم شلّه
خلوك تنسى غالي الاثماني
اجيك ضامي والحياه مملّه
ابيك تعرف خافي الاشجاني
اهل دمعي ماسالتك من لّه
واطلب حنانك بعذب الالحاني
وانت بحياتك عايشٍ في فلّه
ماهمك المحزون واللي هاني
تسل سيفك يالغضي وتشلّه
ماباقي الا تشتري اكفاني
لو جبت فاسك مانشدتك لله
اموت واقف ماتهز اغصاني
كويت جرحي لو يزيد بغلّه
عزيز نفس ٍ مانقطع شرياني
عرفت دربي وانت دربك دلّه
هذا قراري وانطقه بلساني
بعيش عمري مانحنيت لذلّه
ولاهان راسي للقصي والداني
تقبلوا امتناني اخوكم : عزف الشهري ( عزف منفرد )