من يشبهك لا جيت تضحك وتختال .... وفي يدك من روض الهوى ورد جوري

**لذيــــــــــذ** · 21-04-2011, 09:09 PM

انا رجل لاااا اخضع لأمزجة البشر ...
وليس لدي وقت لكراهية أحد ...
فمن أراد معاملتي بمزاجيه فالأفضل له ان لا يقترب مني ابداً ...

**lonely love** · 21-04-2011, 09:40 PM

يآ لذيذ .. مدآدٌ مميز لبوح قلبكَ العذب
وكمّ من الجمآلِ يكمنُ هنآ ..!
لآ يحصى بالتأكيد لآ يوجد
:
:

فــــَ شكراً لهذآ الجمآل .,
.. ودي وردي ..

**لذيــــــــــذ** · 22-04-2011, 01:16 AM

لا تعتذر غيب واتركنى على فالي
وكسوري اكبر من اللي جيت تجبرها

ما قلت احبك ... وانا مدري يورالي !!
الا المشاعر على دربك مسيرها

ما اكذب عليك انت كنت من اجمل آمالي
وآمالي من الطبيعي اني اخسرها

**لذيــــــــــذ** · 22-04-2011, 01:25 AM

تقول كيف الحال ... مدري مواساه
والا كذا من باب روتين وحقوق ؟

على العموم _ بخير _ والحمد لله
ما غير جيتك ضايق ورحت مخنوق

**لذيــــــــــذ** · 22-04-2011, 01:36 AM

اللـي تمرجـح غلاهـا واعتـلى دمـي
ابيع عمري لجـل مجنـون ضحكتهـا

دايـخ معاهـا وهـي ماقربـت يمـي
اجل وش يصير لامن ذقـت (..... )

كل شي فيهـا عجـز لاينطقـه فمـي
كل شي فيها يسولف عن طخامتها

هنا هواها فوسـط الجـوف متنمـي
وهنا معلق على الاضـلاع صورتهـا

حتى قبل نلتقـي قـال الحشـا سمـي
كنـي قبـل عرفهـا بـادي علاقتـهـا

أية حلا بعدهـا بالنـاس ياعمـي
والناس اصلاً حلاها مـن حلاوتهـا

مافاقهـا بالـغـلا الا غــلا امــي
ياجعلنـي ما اتخـلا عــن محبتـهـا

**لذيــــــــــذ** · 22-04-2011, 01:51 AM

من ليلة البارح وحابسني الضيق
عسى صباح اليوم يطلق سراحي

وعادت لي الضيقه على فكة الريق
الله يهونها ويسعد صباحي

لا قمت ادرجها على قد ما اطيق
تغانمتني من جميع النواحي

بيني وبين الغرغره والتشاهيق
ارماش عين وجلسة ٍ وانسداحي

لاشك يومي عند رب المخاليق
اللي بذكره بهجتي وانشراحي

مانيب وارث غاليات الصناديق
وخزاين آل سعود وآل الصباحي

ان عشت عشت مع الرجال المطاليق
وان مت موتي حق والعمر ماحي

هبت هموم الصدر جمله وتفريق
وازريت أعرضها هبوب الرياحي

اغيب من فيض المحبين وافيق
وآخذ بلا منه شهادة نجاحي

والعولمه تفتح قفول ٍ مغاليق
وهذا زمان الفتح والانفتاحي

ماجيتها ناكر وملحد وزنديق
اعرف صلاح الدين واعرف صلاحي

لكن يا شاهق بروس الشواهيق
دحدر على ماجاك واسرح وتاحي

والحر لو يرضى بحكم المسابيق
شاب ونبت له في جناحه جناحي

ويزيد غبنه من فروخ الغرانيق
لا صنفوها من طيور الفلاحي

رميت في وجه اللئيم المواثيق
وطلبت من وجه الكريم السماحي

ودونت في قسم المجانين تعليق
من يشتم المجنون ماهوب صاحي

**لذيــــــــــذ** · 22-04-2011, 02:08 AM

بلا ما تتعب متونك وتقطع في هواي اميال
انا بدري على مثلك يا مدري وش يسمونك

لزوم تحس مقدارك وتسمع كلمتين ثقال
انا أكبر من احلامك يا مدري وش يسمونك

**لذيــــــــــذ** · 22-04-2011, 03:02 AM

الحلم يشبه ظلام الليل والقمـره
تعيش متأمله وتموت مـا جيتـه

يعني ليا طاب حظك فالعمر مره
ماهو ضروري يجيك اللـي تمنيتـه

**لذيــــــــــذ** · 22-04-2011, 03:05 AM

أبني وطن و احلام بيني و بينـي
و يا كثر ما بيني وبيني تهدّمت

**لذيــــــــــذ** · 22-04-2011, 03:33 AM

طرد السراب لمن يظنه ماء ماهو مشكله
المشكله طرد السراب لمن يعرف انه سراب

خـــــــــروج ... تصبحـــــــــــــــ على خيـــــر ـــــــــــــــــون

**لذيــــــــــذ** · 22-04-2011, 11:16 PM

تسجيـــــــــــــــــــ دخــــــــــول ـــــــــــــــــــل ...
مســــــــــــــــــــــ ورد ــــــــــــــــــــاكم ...

**لذيــــــــــذ** · 22-04-2011, 11:18 PM

تسجيـــــــــــــــــــ دخــــــــــول ـــــــــــــــــــل ...
مســــــــــــــــــــــ ورد ــــــــــــــــــــاكم ...

**لذيــــــــــذ** · 22-04-2011, 11:19 PM

لحظه تنحنــــح قبل ما تدخل القلب
يمكن بقايا عروق شــوقي عرايا

**لذيــــــــــذ** · 22-04-2011, 11:48 PM

انا كذا رايق ومرتاح بالي
بعيد عن جو الصخب والعلاقات

90 % شعوري خيالي
وافكار تعجبني واسوي بها ابيات

واللي تجي وتروح وانا لحالي
ما ازعل اذا راحت ولا افرح اذا جات

**لذيــــــــــذ** · 23-04-2011, 01:35 AM

ان كتبت بدفترك عني سطور
اكتب اني عقب حبك ما هويت

وان خذاك الزين ليا حد الغرور
جاني احلا منك ... لكن ما بغيت

الموضوع: من يشبهك لا جيت تضحك وتختال .... وفي يدك من روض الهوى ورد جوري

أدوات الموضوع

بحث في الموضوع

تقييم هذا الموضوع

معلومات الموضوع

الأعضاء الذين يشاهدون هذا الموضوع

المواضيع المتشابهه

••¤(¤(من يشبهك وأنت السحايب والمطر)¤)¤••

اكتب اسمك وشوف اقرب صورة حيوان يشبهك

قلت يابعد الهوى والمعجبات .... ليه ياخذك الهوى للجبروت ...؟؟؟ للعابث مغترب

من العضو الي يشبهك

الكلمات الدلالية لهذا الموضوع

ضوابط المشاركة