هلا بك مجدداً اخوي جميل ...
مدري انت قريت مداخلاتي من البدايه والا لا ؟
انا تكلمت عن جزئيه واحده من جزئيات الموضوع ... ولو رجعت للموضوع تلقاه يشتمل على عدة جزئيات على شكل نقاط وأسئله ... ابتداءً من الحديث الشريف الى آخر سؤال ... وعنوان الموضوع اكبر دليل ...
انا تكلمت عن القبليه وهذا مو تعنصر وانما هو واقع مجبورين عليه واللي يخالفه ما عاد يحلم بقبيلته ...
انا مو عنصري انا اقول الحق والمنطق ... ولا سبيت احد ...
مدحت البنقلاديشيين وقلت ان فيهم ناس ملتزمين احسن منا ... فهل هذي مسبه لهم ؟!!!
واما الصلبي فهو يكتب صلبي في هويته الشخصيه ومثبت بالاحوال المدنيه وينادى بأصله ويفتخر فيه ... فهل هذي مسبه له ؟!!!!!
القبيلي اللي يقول انا اقدر ازوج واحد مو قبيلي هذا يكذب على نفسه قبل يكذب علينا ...
انا معك بكلامك عن رأيي ولكني ضدك بتعليقك على رأي بندر ...
مع العلم انك ما استوفيت كامل نقاط الموضوع في ردك ...
ولا يجي بخاطرك علي شي ... تعلم انك في مقام اخوي الكبير اللي يجب علي احترامه على الدوام ...
اما عن نعت الاخ بندر لي بأني خرجت عن حدود الادب فهذا كلام ما يضرني بشي ...
واذا كان اغاظه اني سألته أسئله محرجه له _ وذلك من منطلق الرد على النقاط اللي اثارها في موضوعه _ فالأولى انه جاوب على الاسئله حتى يبرر موقفه ويفند رأيه ... وبعدها ياخذ راحتك في اطلاق ما يشاء من الالفاظ ... ومسامح ومباح على كل شي ...
وتطمنوا انا صدري وسيع ...
وتصبحون ويصبح الموضوع على خير ...