أخواني الأعزاء
مؤسسي وأعضاء منتدى غرابيل
السلام عليكم ورحمة الله وبركاته
أتيتكم ضيفًا جديدًا
وأقدم لكم جديدي .
وأخر مانظمت من الشعر.
[poem=font="Simplified Arabic,5,sandybrown,bold,italic" bkcolor="black" bkimage="" border="groove,5,sandybrown" type=1 line=0 align=center use=ex num="0,black""]
ياكاسب الأنعام لاجا مجالك=اسمع وصية خوك والعمر محدود
إلحق شبابك قبل لايرق حالك=وتمسي على كوعك وعدوانك ارقود
إن كان ماترفع مناسب عيالك=والله لتمسي ضايق البال مضهود
وتقفي طموحاتك ويقفي خيالك=وكل الليالي سود وأيامها سود
ويموت ذكرك ويتلاشن أمالك=وتمسي إحصيني وأرخم إربوعك أسود
مستضعفن يمناك كنها شمالك=لاصرت(...)؟لاضلوعن ولاعضود
وإن تسمع اللي ماخطر في خيالك=والعز مامن عز والذل موجود
وردك على من يسألك عن حوالك=الحال حال إعداك ماعنه منشود
وطيبك وطيب أبوك مع طيب خالك=ياطا عليه اللي على عيبه إشهود
وتطمع بك اللي ماتساوي نعالك=لن العيال اتقاد لو إنك إتقود
واللي دفعني يصبح الوجه جالك=وشرح السبايب تلحق الرجل منقود
واذكرك وألا فلا لي ومالك=وفي ذمتي مافيه مدري ولا كود
واصدق ترى صيّور ربي يسالك=وصبرن جميل وتالي الصبر محمود
[/poem]
لكم باقات الشكر والعرفان
لكل من مر من هنا
وأتحفني برده أو زيارته.
أخوكم النحاوي
رد مع اقتباس
