البرج

[فـهد العتيبي]

*



جيتك على ميعـــــــاد بينك وبيني
في ليلة الجمعة وفي ساحة البرج



جيتك وانا كـــــــــــلي امل تلتقيني
واسكر بعطرٍ منك يــا زهرة المرج



جيتك وانا مشتــــــــاق لك تقرايني
اوراق مشتاق اشتكت حبسة الدرج



جيتك وانا ما شـــــــك زيّف يقيني
بان الوعد محشوم عن زايد الهرج



جيتك ابي اتنفسك /هجرك ياعيني
مخنوق منه خايف اموت به حرج



جيت اسْألك يا زين هل تذكريني
لاغبت عنك وانثى دربــيَ العرج



اما انا يا شعــــــــــــلة النور فيني
ياغلى بشر من ساحل للبحر للخرج



دوم اذكرك والــــــــي يزود حنيني
هي ليلة الجمعة وفي شوفة البرج






*





(***)

[كاسب العز]

صح لسانك وقلبك


لاهنت

[لذيــــــــــذ]

صح لسان يا فهد ...
جزل لا هنت ...

تحيتي ...

[أريج الرياض]

عذبَه من شَاعِر عَذب ..|
قصِيده زُخرفت بـ الجمَال المعتّق
الف صَح احسَاسك وقلبِك
ولا هنْت ...|

[أبوعبدالرحمن]

جزل يافهد

صح قلبك وكلك

وسلمت اناملك

تحيتي لك

[سامي العطاوي]

فهد العتيبي

صح لسانك ملايين


لاهنت

[بيان الغنامي]

صح لسانك

سلمت ودمت

لاهنت اخوي

[محمد بن ضاوي]

ياسلام عليك يافهد


قصيدتك هذي معبره وتحمل قصة جيل مضى :) خصوصا ان قبلها قصيده عشقت الطايف


ذكرتني بشبابي الله يذكرك بالخير ويستر عليك خخخخخ

يووووه .. عاد الله يعينك .. باقي لك الهوشه الكبيره بعدها بتزين الامور انشالله ههههههههههههههه


نسيت اقولك صح لسانك ولاهنت

[فـهد العتيبي]

كاسب
صح بدنك ياغالي
*&
لذيذ مرورك ألذ
تقديري
*&
أريج
عطر المكان فواح وشذي
تقديري
*&
أبوعبدالرحمن
مرورك تشريف وكرم
تقديري
*&
سامي
مرورك الق ونور
تقديري
*&

بيان
صح بدنك ومرورك وسام اخي
تقديري
*&
محمد
تشوف فيني شبابك يابعدي لي الشرف عدا اوقات المشاكل ههه
يسلم حضورك المشرف والعظيم كـ أنت
تقديري