مرحبـا ترحيبةٍ..تبهـج حزيـن الخـاطـر
فـي قدومـك يـا ملكنا..طِيْـب و انسانيّـة
الشباب و شايب الشعـب ا لقدومـك ناطـر
والمشاعـر يـوم تبـدي تبـدي بعفـويـة
مـا تكلّفنا..عطـاك الله سحـابٍ مـاطـر
من قلـوبٍ تمطـر الفرحـة لكـم وسميـة
عشت..لا باس و طهور..و دام عمرك عاطر
عشـت وأيامـك سنين..ودامـت العافـيَّـه
القلـم ودّه يسير..وكـل دمــعٍ سـاطـر
مـن مضاميـن الغلا..ماترسمـه عينـيّـه
مرحبـا يـا مرحبا..وخيولـهـا تتبـاطـر
ياملك طيْـب القلـوب احسـاس و انسانيـة