موقف و قصيده

[سليمان الذويخ]

السلام عليكم ورحمة الله وبركاته

فيه شخص ثقيل كل ما قابل خويه
يدور شيء ينتقده
وسوالفه كنها سوالف نسوان ..
تكرم النسوان عن اشكاله

مره يقول ( نعالك ماهي ماركه)
ومره (قماش ثوبك صيني)


وآخر مره قال له
قلمك رخيص مو زي قلمي الـ
Dior

فكتب له بقلمه [الرخيص] هذي الأبيات:


في جيبي العلوي قلم بأربعه ريال
وأخطّ به مالا يخطّه (ديور- ك)

هذي علومك،،، كلها عوج وهزال
اسمعني، اللــه لايجبّر كسورك

فرحان .. تشري بـ(ألف وشويه) نعال!
تمشي بك دروب المذله بـ شورك

ومفصّل بـ (حول الثلاثميه) عقال!
وتحته عقل فارغ سوى مـن غرورك

يا تافه .. ارخ السمع للي بينقال
وتراه ماهو مـن دواعي سرورك

اللبس ماعمره ستر عيب رجّال
هذا انت ماتستر خَواك بـ قشورك

ومادامك تقيس الأوادم بالأشكال
عندي تساوت غيبتك مع حضورك

رح خاو خاوي مثلك أشبه بـ تمثال
يرضي برستيجك ويسعد شعورك

ما اتشرف بمعرفتك ولا انت فـ البال
ولا عاد أشوفك عندي ولا بأزورك

مغنيني اللـه عنك برجالٍ ثقال
مافيهم اللي حب تمثيل دورك

أقلّهم لو شاف تقصير وإهمال
يسد نقصك ما يدوّر قصورك..

صح لسانه

[أنـ الذكريات ـين]

يبرد الـ تسببببببببببببببد..

مقدي فيه..

: )


صح لسانه.. وسلمت يمينكـ أخوي..


اختيارات رائعة دائماً..



طبتـ ودمتـ..


تحيتيـ

[غلا الروح]

صح لسان قاايلها ودام عز ناقلها

من جد بعض الرجااال حرااام تنعد من الرجااااال
ماافيهم من صفاات الرجوووله ولاشيء

لا هنت استااااااذي
لك كل الاحترام والتقدير

[سليمان الذويخ]

يبرد الـ تسببببببببببببببد..

مقدي فيه..

: )


صح لسانه.. وسلمت يمينكـ أخوي..


اختيارات رائعة دائماً..



طبتـ ودمتـ..


تحيتيـ

صح بدنك
وبارك الله فيك و وفقك

[سليمان الذويخ]

صح لسان قاايلها ودام عز ناقلها

من جد بعض الرجااال حرااام تنعد من الرجااااال
ماافيهم من صفاات الرجوووله ولاشيء

لا هنت استااااااذي
لك كل الاحترام والتقدير

سلمتِ ولا هنتِ وبارك الله فيك و وفقك