إحدى محاولاتي الشعريه أتمنى تعجب ذوقكم الراقي
سيدة عمري
تفداك عيني والنظر واحساس قلبي والكيان
تفدا عيونك دنيتي كانك عليها تامرين
والله انا ماهمني في كل عمري والزمان
إلاّ رضاك إنتي وبس بد الخلايق أجمعين
ياسيدة عمري هنا في وسط قلبي لك مكان
ماهو مكان إلاّ قصر فيه إنتي وحدك تسكنين
كلي على بعضي عليك القاني متجنن جنان
تأثيرك الطاغي علي لو اوصفه تستغربين
اتخيلي من اسمعك يختل فيني الإتزان
كأني فاقد للوعي أترنح شمال ويمين
وشلون أجل في شوفتك الله بس المستعان
أتزلزل وحيلي يطيح إذا قبالي توقفين
أخوكم
الواله
رد مع اقتباس
