السلام عليكم ورحمة الله وبركاته
اخواني الكرام اخوكم احمد بن مبارك بن عايد القنثولي الشلوي سمعت عن قضيته في بداية الحدث في اول عام 1429هـ اعتقد انه طالب في اخر المرحله الثانويه وحصل بينه وبين بعض من ابناء عمومته مشاجره لا اعلم اسبابها نتج عنها قتل قبيله ، طبعا انا معرفهم جميعا والى الان لم اعرف اسم القتيل لكن انه ابن للشيخ عايد بن معيض الجعراني الشلوي سمعت له مقطع شعري مؤثرفي منتديات قبيلة الشلاوى واستنتجت من خلال المشاركات اللتي ورت بخصوص هذا الموضوع ان المذكور صادر عليه حكم القصاص واهل الدم مصرين على تنفيذ الحكم ورافضين استقبال سعاة الخير
اخواني الكرام السجين احمد حاله مثل حال اي سجين صادر عليه حكم القصاص وهو في امس الحاجه لدعواتكم ومساعيكم لفعل الخير ولايستغني عن مساهماتكم من اجل طلب العفو من اهل الدم اسال الله العظيم رب العرش العظيم ان يفك اسره ويفرج همه وكربته وجميع المسلمين
[poem=font="Simplified Arabic,4,black,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""]
الايالله طلبتـك يالمجيـب مـذلـل الأصـعـاب=تهون كربة المكـروب وتسـوق الرجـاء فيهـا
طلبتـك ياسميـع وياعليـم بكـل شـيءٍ غـاب=عن عقول البشـر والخلـق غافلهـا وصاحيهـا
طلبتـك مـدةٍ مـن رحمتـك ياحـي ياوهـاب=طلبتـك وأنـت تعلـم نيتـي وشلـون ناويهـا
أنا عبدك وبن عبدك وابي للخيـر فـك اسبـاب=أنا اللي عبرتي من جـوف قلبـي بـان خافيهـا
مشاعر مؤمنن بامر القدر دمعه سـرى سكـاب=سمع صوت أحمـد مبـارك وكلمتـه وترجيهـا
طلبتك ياعظيـم القـدره انـك تطلـق الأبـواب=تفـك قيـود نفـسٍ قـرب السـيـاف ينهيـهـا
ذبيحه بالحديـد مكبلـه فـي حـروة القصـاب=تحـرى للقـرار اليـوم والا الصبـح يلفيـهـا
مايعرف غير جدران السجون من المكان اصحاب=وطيـفٍ مـن خيـال امـه بذاكرتـه يناجيهـا
وألامٍ تشتبـه بوجاعهـا لطـروا لـه الشيـاب=بعـد ماحـل ابـه فـي حـالـةٍ لله مشاكيـهـا
سمع فيها القريب من العبـاد وسمعـو الاجنـاب=وتعب القلب من كـل السوالـف يـوم نوحيهـا
متى نوحي من اهل الدم كلمـه تعنـي الترحـاب=بمسعى مـن مساعـي الخيـر ياربـي تهييهـا
يابو منصور عايـد كـل عبـدٍ مقتفيـه حسـاب=عسى عمرك طويل انتـه حكومتهـا وقاضيهـا
حكيم ولاعليك قصور تقصر عن مـداك اشنـاب=ولايلحـق مـداك مصحـح الكلمـه ومخطيهـا
تحكم بمـر ربـك مـن كتـابٍ مابعـده كتـاب=دعـت للعفـو اياتـه وانـت تعرفهـا وتدريهـا
وخذ من سنة الهادي البشير ابلـغ عبـر وآداب=كـلامٍ قيـل لذكـرى بمـورٍ مـنـت ناسيـهـا
[/poem]
الشاعر: عواض بريكان الشلوي