[ALIGN=CENTER]هوشه بمركز تجاري
المكان : احد المراكز التجارية حي العليا / الرياض
التوقيت : بعد صلاة التراويح .. يوم الجمعه الماضي
القضية : مبارزة كلامية بين خمسة بنات انتهت بلكمة خطافية من إحداهن على وجه الأخرى.
التفاصيل .. ثلاثة بنات لابسات براقع يتسوقن في المركز التجاري (مكان حدوث القضيه).. بعد شوي.. بنتين لابسات لثامات يدخلن السوق بغرض التمشية ( اقول تمشيه لانهن خرجن بدون أكياس) .. وهذا باب سوء الظن طبعا..
ذوات البراقع يبدو انهن من عائلة محافظه ( اقول يبدو ) .. وذوات اللثامات يبدو انهن بنات نعمه ( ايضا اقول يبدو) ..
بينما الخمسه يسوون (شوبينغ) واذا بمشادة كلامية تدور .. سببها ان وحده من البراقع تنصح وحده من اللثامات بأن تستر نفسها.. وكلمه من هنا .. وكلمه من هناك ... وصارت بينهم.
وحده من ذوات اللثام ( وهي طالعه) قالت للبراقع : (باي ياحلوات).. ويبدو انها قالتها .. لزوم (الغيض) .. وانا اقول يبدو ولكنني متأكد من ذلك. تعابير وجهها الظاهر من خلف اللثام تؤكد ذلك.<<<<<<<< حررره موتي قهر انتي وبرقعك على بالك ( المبرقعه) الي بالمجلات
وبعدين .. راحت ذات اللثام وركبت بالسياره مع خويتها. وكان بانتظارهم في السيارة السواق (الفلبيني) <<<<<<<<<<<ماما مافي كدا كدا سيدا بقس على طووول .......... ووحده (ثالثه) .. يبدو انها ميد إن ليبانون .. اي لبنانيه.>>>>>>>>>>> يادلي شو هيدا الصبايا بالسعوديه ئويات
قامت احدى ذوات البراقع بالتلفظ على اللثامات وهن في السياره وأشرت على (نعلها) وكأنها تقول لهن .. اذا ما انقلعتي .. رح اتعامل معك بالكعب.
هنا نفذ صبر ذات اللثام ونزلت متجهة نحو ذات البرقع التي كانت تقف عند الكاشير .. وقالت لها : انتي الظاهر تدورين الشر يا (..........) وردت ذات البرقع .. انا ال (...........) يالعصلا.
وما أمداها تقول العصلا الا وذات اللثام ترفع يدها وتوجه لكمه خطافيه على وجه ذات البرقع ليصطدم رأسها بماكينة الكاشير ( ما أدري ليش حسيت ان هالبنت تصير بنت خالة مايك تايسون).. وتعم الفوضى .. ويستغل الشباب (المرسمين) هذا الوضع لصالح نواياهم الحسنه.
تدرون ايش اكثر شي مثير للانتباه ؟؟ اللكمه التي وجهتها ذات اللثام ل ذات البرقع .. كان موقعها يصعب تحديده .. تعرفون لما واحد يحط اصبعه السبابه على رأسه وهو يقول ( كيفي) او (مزاجي).. هناك كانت اللكمه.
* كوميديا واقعيه*
الي قهرني ـــ فيه شي لو مسوينه بااموت من الضحك لو ان وحده راحت وجابت (العجرا) بس على شرط تطلعها من تحت كشن الددسن.................. والثانيه تسحب (العفريته) من الهايلقس
ملاحظه :
م
ن
ق
و
ل
--------
م
ل
ط
و
ش[/ALIGN]
رد مع اقتباس
ماعندي توقيع 
