[align=center](( راس المعـانـــــــــــي ))[/align]
[poem=font="Simplified Arabic,5,black,bold,normal" bkcolor="transparent" bkimage="backgrounds/17.gif" border="double,6,gray" type=2 line=0 align=center use=ex num="0,black"]
تنويه عن تشويه صوره بتشبيه=تعبير عن تدبير زاد إكتئابي
علم ٍ لعبت ولا تعبت بمعانيه=واقع مثل يم المواجع سرابي
فيه المعاني ما تعاني وتعنيه=معنى يسوق مـْن العواصف سحابي
خيال عال العال لو مال تمويه=تضليل عن صوره غشاها ضبابي
مثلي مثل من جاه صوت ٍ يناديه=هقوة عساي أقوى وفا من هقابي
راس القصايد يوم زاد الوجع فيه=نادى ولبيته فديته شبابي
حسيــّــت بالواجب وحبيــّــت ألبيــّـه=فزيــّـت كــّــن الــّي سطابه سطابي
جيته وأنا كلــّي أمل يوم ألاقيه=ينسى صوابه يوم يسمع صوابي
ومن حر مابي ما تمكنت أداويه=أو ما قويت دْواه من حر مابي
قلت أكشف الموضوع وأستر خوافيه=عسى البشر تفهم عناي وعذابي
الشعر معنى للمشاعر بما فيه=كل ما يبيــّــض عند ربــّي كتابي
صدق وأمانه وإحترام ومشاريه=وأفعال تستر وجه حضرة جنابي
صيت ٍ يشرّف كل ما حل طاريه=وعلوم تمنع عزوتي عن عتابي
كذا الشعور اللــّي إذا كنت راعيه=راضي بمضمونه مثل ما رضابي
عكس إتجاه الشعر عند المعاتيه=اللــّي نما فيهم ضما ما روابي
كم شاعر ٍ لا جاب شعره يودّيه=للعالم اللــّي عاش حلم إغترابي
وكم شاعر ٍ تقواه قسوة لياليه=ولا يوصف إلا فيه كبر العلابي
والشاعر اللــّي خيّب الله هقاويه=شعره يمثــّل من على العار رابي
ولو كل شاعر شاعر بما يسوّيه=ما كان تصوير المشاعر هفابي
ولو نسأل التاريخ عن حفظ ماضيه=نلقى جوابه نفس معنى جوابي[/poem]
[align=center]..
..
..
أخوكم/ نواف هلال[/align]