السلام عليكم ورحمة الله وبركاته"
اخواني واخواتي هاذهي قصيده من قصائد
والدي الشاعر زيد بن فلاح ابن رضيه الهاجري
مع تمنياتي بان تنال على اعجابكم ورضاكم
>>الطيب عنه <<
يابقض قلبي لهل القال والقيل :::: ناسٍ سوالفها بشتمن ونمه
اشقالها نقل الحكي والدهابيل :::: حتا راع الطوله تغار وتذمه
ناسٍ تحطلها دعايه وقاويل :::: اللاش والطيـب جميعن تعمه
افضل اسكن في جبال البرازيل:::: وحدي ولا خوة قلوبن مسمه
وياحب قلبي لرجال المشاكيل :::: كسابت الطولات في كل يمه
قضايت الازم وذباحت الحيل :::: والي نصاهم زال ضيمه وهـمـه
ومجالسن فيها اشقر البن والهيل:::: والعودالازرق من بعيدن تشمه
موارث الي تركب الجيش والخيل :::: يوم الامور الكايدات المهـمه
تدخل وتعطي ماتحسب المحاصيل :::: والكل منهم راس ماله معمه
وياحيث يابعض الرجال الحلاحيل:::: صعاتن في مامضاء كل قـمه
راحم وجا من عقبهم ناقص الجيل :::: متفيخرن في طيب خاله وعمه
وهو عجزعن كسبت الطيب والشيل:::: لاشال حمل ولا قضاله مهمه
ولاله مع اهل الطـيب عرف ومداخيل :::: ولافيه لا دينن ولافيه ذمه
الطــيب عنه ابعد من الارض لسهيل:::: وهو يحسبنه مثل قرب كمه
ولو نشرح القصه تطول التفاصيل:::: ون طولت والله لجيب المطمه
وسلامتكم