السلام عليكم ورحمة الله وبركاته
أسعد الله أوقاتكم جميعًا
بعد الانقطاع أهديكم آخر قصيدة كتبت لها أكثر من شهر لعلها تكون عذر
عن الغياب السابق والقادم لين يطيح الوسم ويعم الديار كلها وترجع البل لديرتها ...
[poem=font="Simplified Arabic,5,black,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
لا يافهد لا جاء بجوالك أبراج=كلم على اللي نفتخر به ونفداه
سلم سلام ن حلو صافي وثجاج = وقل للأميـــر .. الذود برعاية الله
بأمرك جهمنا السبت ناوين منهاج = ناوين نبعد عن دياره معشاه
مع خشم برق ن ذيبها بليلها داج= (غمره) جنوبه كنك تشوف ممشاه
متنحر ن مابين (سلمـــى) و (فرتاج)= ومغيب شمس الصيف مابين أجحَاه
عشًى وعقلناه خوف من الاحراج= لاينكــف .. ويوم أصبح الصبح قدناه
قمنا على طرش ن بلونه كما العاج = وتال المتالي ان خفت خطاه ندراه
وضح ن وبرها ناعم ن تقل ديباج= وأرقابها تزها بــمغــزل وعرقــــاه
وطفنا ضواح (العش) ضلعان وفجاج = و جينا لدار ن باسم اهلنا مسماه
(غار ابن ناحل) مذري الضيف والحاج = حجاج بيت الله تشكر صناياه
شبعوا (بمــلحـــاء ) اللي مثل مد هداج= حتى كتب (لندن) تسطر مزاياه
ويوم اعترضنا ضلع (اجــأ)كنه سياج= جيناه مع (المختلف) ثم عبرناه
سقنا بممشاهن تقل سعي حجاج= لادرهموا بين الخطوط المسواه
لاهن بقصار ن ولاهن بهجاج= حذرا المزاول... سوق بصياح واوداه
وعشن بطين ن زاهي ن للتفراج= مقيضنا اللي قاصدينه وصلناه
ربله .. وجنبه .. والنصي له تبهراج=كنه ذهب... يوم النسايم تمثناه
وعرفج .. وعاذر .. والسبط كنه علاج= لكبودهن والرمث.. فرحن بلقياه
وأنا لقيت بوسطهن فلة حجاج= ربيع قلبي وانتعاشه وسلواه
فرقا الشوارع .. والبواري.. والازعاج=وشوف الخضار وسجة ن في ثناياه
أحد (بجرش)صيف والآخر (بقرطاج) =وأنا بدوي ن لي مع الذود مشهاه
وش عـــاد لو جت جبهتي كنها الصـاج= بياض وجه الرجل من طيب يمناه
والا الردي لو حط (واقي) و (مكياج)= والله مايبعد سواده ويجلاه
يالله عسى ماله مع العالم انتاج= وياللـــه لا تكثر بخلقك حلاياه
ودك يصير الرجل للبيد بواج = أما بمقصد شغل والا تنـــفاه
وأنا بطبعي ماعشقت التخواج= مشتال معي (عقال ناقه) و (تـــوداه)
ماحلت في (معزا) ولا حلت (بنعاج) = عاني بذود ن تعجب العين روياه
مــاهــو ردى.... مير الغلا بخافقي لاج= للنــــوق ... يسلم من لهن ماله أفناه
جزل العطايا اللي على هامتي تاج = راع السخاء والجود والوجه والجاه
كم شيـــخ قوم وشاعر وشخص محتاج= حصل قراه وعــًود بملي مخباه
وياكم خراج ن ماطلب منه مخراج= ماهو رياء .. يتبعه منًــه ومأذاه
في شوف عيني ذي بجيوب الأدراج = بالاسم .. والتاريخ .. والقيمه أعلاه
وان كنت شــاهد زور فالحكم فلاج= عسى مكاني ياملا ماأتعداه
وأنا أحمد الله لا صعب وضعي وهاج=أبوي .. بعد الله ملجاي بحماه
نور ن يبين اليا اظلم الليل وهاج= أستانس بروياه وأمشي على هداه
يارب يالمعبود ياوال الأفراج = تبقيه وسهوم المنايا تعداه
يالله تديم اللي على روسنا تاج = اللي مع الأجناب نفخر بطرياه
وليا فهد وصًف بتنفيذ واخـــراج = وقله ترى يوم الخمـــيس انتحراه
وقل للذي ناوي على القيض منهاج= من عند (مـوقــق) كان تصمل نواياه[/poem]
وتقبلوا تحيات أخوكم/
أحــمــد بن نــاحــل
رد مع اقتباس
انا كلي لجل عينـــك 
[/align]
