طيب وبعدين

[عبير وفل]

ياجماعه حطيت بها الأمانه أكثر من مئة ألف والحين مافيه الا ثمانين ألف والله لي أكثر من سته شهور أقول يابنت اصبري بكره تجيك الأرباح , وما أدري متى يجي بكره طيب أنتم ايش رأيكم يبي يجي بكره ولا لا طيب اذا ماجاء بكره ايش أسوي:زعلان:

[محمد الدغيري]

نقول إن شاء الله يجي بكرى

[عبدالعزيز الشمري]

صندوق الامانه بدأ يتحسن وأن شاء الله يرد لك مالك قريبا

السوق هالأيام بطئ جدآ وقريبا سوف يتحسن بعد الصيفيه إن شاء الله

والله يرزقك ويرزقنا

[صادق الإحساس]

عبير وفل



طيب خلينا نناقش بهدوء


أنا ذات الشيء حصل معي وكانت الخسارة كبيرة ومؤلمة لأن محفظتي بها أموال كبيرة جدا وجدا فوق ما تتصورين ولا تقارن بمبلغك وكلها فلوس أيتام وولاياء سواء من أخواني الأشقاء وغير الأشقاء ، أو من كانوا تحت كفالة وعطف والدي ( رحمه الله ) من عيال الناس و بعد موت أبوي ( الله يرحمه ) كلهم تعلقوا برقبتي وراجيني بعد الله ولا يفهمون مسألة السوق أنهار أو أمور مثل هذي يعرفون بس كم جابت فلوسهم ومعذورين لأنهم أطفال وولاياء وصغار وقلت يا ربي وش أسوي !؟ هالحين وش يبي يقولون لو قلت ألهم فلوسكم راحت !!؟ ما يبي يصدقون خصوصا لو فيه من ضعوف النفوس اللي يوعزون ألهم ويقلون ترى الرجال أخذ الدراهم وأعطاكم هواء !! لا ويبا يقلون ( الله يرحم ) العود كان حافظ وراعي الجميع ومعقل المجنون ، والا الولد ما عندك أحد !! .

لكن السؤال : هل نستسلم للوضع ونبقى على ماهو عليه بدون عمل شيء !؟

أعتقد أن العقل لا يقبل بهذا ، والله حب المسلم الذي يعمل وليس المسلم الذي يستسلم وينتظر هذا وذاك ، ولذا أنا بصدق أتحدث عن تجربتي وهي أني أخرجت كامل السيولة المتبقية من السوق وبخسارة فادحة لكن يا ربي لك الحمد جلست مدة أضارب وأصارع ربما طولت شوي لكن رديت رأس مال المحفظة وأحمد الله ليل ونهار ، وأعطيت كل واحد حقه عشان أبي أرتاح وأبعد عن القلق ، لكني فؤجئت ان الجميع يرفض و بجد والله رفضوا كلهم بعدما علموا اني أخرجت المبالغ وبخسارة فادحة دون أن أعلم أحد منهم وتحت مسئوليتي أتخذت هذا القرار ، و لأني مؤتمن أتخذت القرار الذي أراه مناسبا وحل للمصيبة التي حصلت وقلت : يارب هذولي مسئولين مني وفلوسهم أمانة برقبتي لكن يكفي يا ربي أنك مطلع على كل شيء وبما فعلته وتعبت من أجلهم ، وبما أرغب فعله الآن ، ولماذا انا أفعل هكذا ، وبالفعل من صدق مع الله ومع الأخرين ربك يعوضه وفعلا يا ربي لك الحمد رجعت رأس مال المحفظة القديم ، لا وبعد مضارب من جديد وطالع بربح ما هو بالبسيط عطفا على الظروف التي مرت بها محفظتي التي بها مجموعة من البشر عددهم اكثر من45 إنسان ، وهذا أنا مثل الأخرين أضارب وأشتثمر والخسارة القديمة أصبحت في مزبلة سوق الاسهم السعودية وصارت من الذكريات والدروس المستفادة فقط ، لكن لا يوجد لديه خسائر بل العكس لديه مكاسب ولله الحمد .

أنتي بصدق تأخرتي كثيرا وكثيرا جدا وكان يجب أن تخرج بباقي مالك من بدري شوي وليس الآن صعبة شوي !! لأن السوق اليومين هذي بصدق يعتريه شي من الخوف والقلق ، نصيحة لك أنتظري قليلا وحينما ترين السوق مستقر بيعي وحاولي أن يكون البيع في أعلى سعر لأسهمك وأبدئي من جديد بالمضاربة والتعويض من الله والصبر طيب وضروري ، وخذي بتوصية وكلام الثقات والثقات الثقات فقط و بكل ما تعنيه هذه الكلمة من معنى وربنا يعوضك وبأمر الله أقرأ لك بالمستقبل أنكِ عوضتي خسائرك مثلي يا رب ، وليس ببعيد على الله أي شي بس بصدق أصدقي مع الله وأدعيه بكل صدق وخشوع وخضوع والله يا ربنا ما يتركك أبد وليعوضك دام وثقتي فيه وحطيتي أملك فيه لوحده ، هذا رائي وأنتي حرة بأتخذا أي قرار ولا حظي انك بتتحملين مسئوليته لوحدك فقط ، لكن ما نحن سوى مستشارين مؤتمنين على المشورة فأن أصبنا فالحمدالله وأن حصل غير ذلك ( لا قدر الله ) فلا تلومين أحد بل أعتبري ان هذا نصيبك ولابد ان تريه ، لكن الله العالم بصدور الناس .

أسف للأطالة لكنها مشاركة صادقة من رجل يتألم للأخرين حينما يقرأ وينظر بعيونهم ألم الخسارة وما تكبدوه من ألتزامات وربما قروض أو سلف .

عزيزتي أدعو الله بأسمه الأعظم الذي إذا دعي به أستجاب ان يعوضك في الدنيا وفي الأخرة وأن يفرج همك ويلهمك فعل الصواب وأن أقرأ لكِ بالمستقبل أنك قد ربحتي وليس فقط أسترديتي رأس مالك .



لك
دعائي وودي وكامل تعاطفي


صادق الإحساس

[Wi Fi]

السوق في تحسن

اصبري وسوف ترجع فلوسك مدبله

إن شاء الله

اخوك

ابو احمد

[مـوادع]

شوفي يأختي الامانه اكثر استثمارها في سهم الراجحي وسابك والان سابك لها مده ماتحركت حركتها الطبيعيه ولاحضي ان زياده ارباحك في الامانه مرتبطه باهذي السهمين اذا ارتفعت ارتفع الارباح واتوقع ان سابك هي من سيقود المؤشر الى 14800 نقطه في القريب العاجل اهم شي الصبر وعدم البيع الوحدات بالخساره وفيه نقطه احب اعلمك عنها ان صندوق الامانه اسرع من صندوق الرائد في تعويض الخساره وهذا الشي انا مجربه في الصندوقين

[مازن]

صبرً جميل

[عبير وفل]

بصراحه ردودكم أثلجت صدري ,خاصة أخي الكريم صادق الاحساس ,الله يوفقك يارب ,ويجعل كل كلمه كتبتها في موازين حسناتك, طبعا أنا أتمنى أخرج من الصندوق وأضارب بس المشكلة ما أعرف , يعني أنا حطيت المبلغ في الصندوق حتى أريح راسي ,بس راسي ما أرتاح , المشكله , اني مدرسه من كم سنه ولا جمعت من راتبي شي قلت يابنت يبي يروح العمر وأنتي ماسويتي شي , وعشان كذا أخذت النيله القرض من الراجحي وحطيته بها الصندوق , وقلت يالله اسمي حاولت أسوي شي وبصراحه أحبطني هالصندوق , لكن حرام كمان أخرج بخساره , يعني دون الربح ليت السلامه ,,,,,,شكرا أخواني أعضاء غرابيل الأعزاء على المشوره الصادقه واذا صار معاي شي جديد ٍ سوف أخبركم تحياتي

[اللـــــيث]

الصبر مفتاح الفرج ....

ونصيحة يا اختي اذا انتي مو محتاجه للمبلغ اتركية وانسية ولا تفكرين فيه الا بعد 3 اشهر ...

وان شاء الله سوف يكون فيه ربح معقول .... وبالتوفيق ان شاء الله ...

[صادق الإحساس]

بصراحه ردودكم أثلجت صدري ,خاصة أخي الكريم صادق الاحساس ,الله يوفقك يارب ,ويجعل كل كلمه كتبتها في موازين حسناتك, طبعا أنا أتمنى أخرج من الصندوق وأضارب بس المشكلة ما أعرف , يعني أنا حطيت المبلغ في الصندوق حتى أريح راسي ,بس راسي ما أرتاح , المشكله , اني مدرسه من كم سنه ولا جمعت من راتبي شي قلت يابنت يبي يروح العمر وأنتي ماسويتي شي , وعشان كذا أخذت النيله القرض من الراجحي وحطيته بها الصندوق , وقلت يالله اسمي حاولت أسوي شي وبصراحه أحبطني هالصندوق , لكن حرام كمان أخرج بخساره , يعني دون الربح ليت السلامه ,,,,,,شكرا أخواني أعضاء غرابيل الأعزاء على المشوره الصادقه واذا صار معاي شي جديد ٍ سوف أخبركم تحياتي

أجل أصبري
والصبر مفتاح الفرج


لكن تكفين لا تبيعين هالأيام

ترى حنشل السوق هذي أيامهم وهي فرصهم

أنتظرين لين يرتفع السوق ارتفاع حقيقي ويستقر شوي وعقبها بيعي
لكن لا تشوفينه مرتفع شوي وتقولين : يا بنت هذي فرصتك أبد أنتظري
لين يستقر أستقرار حقيقي وعقبها بيعي بوقت يكون مرتفع السوق وفي
حالة الأستقرار لكن أهم شيء لا تصيرين مطفوقه ( هههههه ) وتو
تشوفين أرتفاع وهمي تروحين تبيعين ، وبالذات هالأسبوع السوق مرة
غير مستقر وغير معروف فيه المؤشرات التي يمكن للواحد ان يتحدث عنها
تكفين وأنا أخوك لا يلعبون عليك الحنشل او تجلسين تحت سندان الخسارة
ومطرقة الأرتفاع الوهمي ، وكبيرة بحقك وأنت معلمة وفتاة فاهمة ومتعلمة
يلعبون عليك الحنشل .


الصبر ، الصبر

الأستقرار ، الأستقرار

الارتفاع الحقيقي ، الأرتفاع الحقيقي


عقبها الله يستر عليك بيعي وربنا يكسبك ويعوض علينا وعليك


امنياتي القلبية أن تكسبين مو حتى تستردين رأس مال وبس




لكِ الدعاء والمؤازرة المعنوية
ولنا ولك التعويض من الله عز
وجل قادر على كل شيء يا كريم





صادق الإحساس

[سعود]

اختي عبير وفل


ياختي والله انا مثلك محتااااار


بس هذا الايام محتاج سيوله قلت ببيع بعض الاسهم في ينساب


قال ابو عبدالرحمن اصبر


انا سمعت انها بتوصل 60 ريال هذا الكلااام قبل اسبوع وكان سعر السهم 53 واليوم هووووت للهاويه 44 ريال



المشكلة ان مازن يقول اصبر خلال هذا الشهر بيتضاعف سعرها


والله احترت اصدق مين ؟؟


وامشي على كلااام مين ؟؟؟


والسوق وضعه لايسر لاصديق ولا عدوووو


اللهم ارزق جميع المسلمين


تحية عطرة

[بدرالزمان]

الله لا يضر مسلم

بس مع الهوامير كبار الكرووووووووووووووووووووو وووووووووووووووووووووووش !!!
ردددددددددددي ياليل ما اطوووووووووووووووووووولك

[عبير وفل]

مالنا غير الصبر ,, عاد ياصادق الاحساس كبيره بحقي معلمة أجيال ومطفوقه لا وأنا أختك أبصبر ,, ايش أسوي مادامك ما ضميتني للخمس وأربعين بتوعك ..شكرا للجميع على المرور والتعليق.

[راشد الراشد]

الله يعوضك وجميع المسلمين خير

اسحبي جزء منها


وتابعي الإخوان هنا بالتوصيات بتستفيدي بحول الله وقوته

[سيف العدالة]

الله يعوض عليك

راحت فلوسك

اخوي زيك ومالقى إلاالخسارة

انتي اشوى منه

هو راحت نص فلوسه

نصيحة اهربي بالي بقى لك