قصيده ورد للشاعران القديران/ راشد بن مريعيه العازمي والشاعر/ ضيدان بن قضعان
--------------------------------------------------------------------------------
سلام ٍ عد ما لاحت بروق الوسم يا ضيدان *** بروق ٍ تلتعج قبله صدوقه ما نكذبها
سلام الله على اللي شاقني نظمه على القيفان *** جزيل ٍ بالمعاني والهزيله ما يقربها
الا يا الشاعر المبدع قصيدك يطرب الشفقان *** عليك الله وامان الله بحورك لا تسيبها
صحيح ان البحر هادي ولكن للبحر طوفان *** وصحيح ان الهوى غربي ولا تامن هبايبها
أنا خابرك حر ٍ للسمينه ترخي الجنحان *** نعرف ان الحرار الصبح تشبع من مخالبها
أنا بنشدك عن بنت ٍ مكاسيها من الحيوان *** تجر الصوت وان سكتت ولدها فوق غاربها
ولدها مالها غيره ولاله يالعميل اخوان *** يجر الصوت ويا امه واليا صاحت يجاوبها
اذا جمعتهم صاحوا واذا فرقتهم طرمان *** لها ناس ٍ تصاحبها ولها ناس ٍ تحاربها
غريبه في طبايعها تحير صافي الاذهان***لها صوت ٍ اليا صاحت كثير الناس يعجبها
قصيده هاضت بقلبي من الوجدان للوجدان***معاني تندرج بسطور تلاعبني والاعبها
معاني نظمها هين انا وان قلت وش خسران *** يجي منك الصدى والا يجيب العلم جايبها
ـــــــــــــــــــــــــ ـــــــــــــــــــــــــ ـــــــــــــــــــــــــ ـــــــــــــــــــــــــ ـــــــــــــــــــــــــ ــــــــــــــــ
وقال ضيدان بن قضعان........
بعد طالت وطال الليل ما رد الخبر ضيدان *** على قوم ٍ سلاطين العرب صوبي تندبها
تناوشت القلم والطرس لا رايق ولا طربان *** ولكن واجبي يوم النشاما عند واجبها
بعد ذي مرحبا ترحيبة العجمان بالعجمان *** تراحيب ٍ تعبر عن مشاعر من يرحبها
بمن جاب الرساله والرساله زينة العنوان*** ومرسلها وبادعها وممليها وكاتبها
بعد تم اطلاع الشاعر المتغطرس الفهمان *** على مضمونها واسرارها واغلا غرايبها
واذن للجن ينظم للعوازم غالي القيفان *** تنقاها واذن للي ترتبها يرتبها
وانا يا بن المريعيه تراني من شهر شعبان *** ازينها المسا والصبح باذن الله اخربها
محيرني من الالغاز ما يبحل به البطران *** نشبت ابها عسى ربي يفكك من نشايبها
ولكني يا راشد واعترف عن حلها عجزان *** وقررت انحر القيفان والالغاز اجنبها
واختم القول ما غنى على الشنه طلق رجعان *** سلامي للعوازم من ورى البصره الين ابها
وسلااااااااااااامتكم..... وانشاالله تحووز على رضااكم
منقول
تحياتي
حامل الرآية