[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
ارقي ارقي بالضماير حطي السلـم وعـدي =لا يردك غير غرفة نومك الـي بالضمايـر
انزلي في شرق قلبي ون بغيتي غرب شـدي =ملك ون عدل به الملاك مايكتـب خسايـر
ان بنيتي في حلالك من يلومك لـو تهـدي =كيف بس الوم خل ٍ رايـح ٍ عنـده كسايـر
مالك عقلي وروحي والفـؤاد وكتـب يـدي =كل حرف ٍ يوم اقوله فيك يعطـي للبشايـر
كاملة والكامـل الله واصـل ٍ فيهـا لحـدي =كل زين ٍ غير زينك في نظر شاعرك بايـر
لو اقول الك القمر مابان قلتي ويـن خـدي =اصنعي من رمش عينك للخدود احلى ستاير
كل ماهب الهوى قلتي هوايـه جيـب ودي =عود راك مع طروب النود مكشوف السراير
والعيون ان جيت اوصفها عجزت وباح سدي =استدير ابكل عيـن ٍ بالقلـم واقـول حايـر
اطلبك باعز ماعندك على المشتـاق هـدي =لين يكتبلك قصيدة واطلقـي كـل الذخايـر
ون توفا اكتبي فوق النصايب ما انت نـدي =ون بكوني اضحكيلي وسأليهم ويش صايـر
قولي انه قال عدي ومتلكـت وهيـك بـدي =اشتكوني في حلالي راجعـو كـل الدوايـر
وتركيهم عند قبري وخـذي السلـم وعـدي =لا يردك غير غرفة نومك الـي بالضمايـر [/poem]