حامل الرايه
موقف اهل المعرفه دايم(ن) يحتمونه=مرحبا ردة تمشي على مصلحتها
كل رجل على ماقيل تنظر عيونه=قلتها مثل ناس قبلنا قايلتها
برج المملكه
المواقيف للـي شفّهـم يدركونـه=البقا من هجوس ٍ ما تشحّ ابركتها
صورة ٍ من ملامحها الكبود مغبونه=اثر عينك قبل لاشوفهـا شايفتهـا
حامل الرايه
انت لوكنت عد(ن) والبدو ياردونه=اظمن ان الغنم منك تزين شعرتها
اثر لي صاحب ماقدطفى تلفزونه=مير صورتك هذي قول وش ماركتها
برج المملكه
وانت لو كنت شيخ ٍ و العرب ينشدونه=اظمن ان الآوادم منك تنسـى لغتهـا
احسبنّك من اللي قصدنـا يفهمونـه=مار طافت علاك الصوره و سالفتهـا
حامل الرايه
صاحبك مثل ضلع طويق للي يجونه=وانت فوق البسيطه مير كنك تحتها
من يخالف نظام المملكه يسجنونه=القوانين اعرفك تعشق مخالفته
برج المملكه
كل شاعر على طرقه يكوسر لحونه=البسيطه عن الضيقه تناول سعتهـا
انت ما انته ورى ظنّي ولا انته بدونه=الكحيله لا تخلف فـالملاقى جهتهـا
حال الرايه
صاحبي فيه جن وجيت اطير جنونه=الجنون المريده عارف(ن)برمجتها
لو ابو قرن دف الظلع راحت قرونه=مادرتبه حيود الظلع بمناطحتها
برج المملكه
انت حامل على اسمك جعل مالك مهونه=والليالـي تبـذّ النـاس بمعاملتـهـا
ليت راسك بعد هاذي تشيلـه متونـه=اكثر الناس ينكبهـا حصـاد ألسنتهـا
رد مع اقتباس
