تقدر تتوب
لاصرت انا كلي عيوب
ولاصارت الدنيا معك
تقدر تخليني شمال
وتروح لين اقصى جنوب!!
بين الاراضي والسما
شوقي واحساسي نما
ارقب طلوعك كلما
تبداء حياتي للغروب
واجيك لهفه عابره
اجيك عبر الهاجره
اجيك وايامي معك
مثل الطيور الطايره
مرّات احسك لي وطن
ومرّات بيدينك كفن!
وانا على خبرك
اذا شفت ابتساماتك
اذووووووووووب...
تقدر تتوب..
وتقدر تعيش بدنيتك
من دون حبي يالعوب!!
يا ابعد آمالي
ويا اقرب رجا !
قلبي اذا حبك يموت ،،
وان غبت عنـّه مانجا !
جيته بهمك والألم
من كل صوب..
خلـّه يعيش بغربته
خلـّه يعاني وحدته
خلـّه على رغم التعب
يجمع شتاته من حروب!
يستاهل الحب الألم
يستاهل العاشق ندم
ويستاهل الشوك الكثير
اللي مشى حافي القدم!!
اكبر خطأ انك تحب إنسان ظالم..
اكبر خطأ انك تكون إنسان حالم..
اكبر خطأ انك تعيش العمر كله
وانت في طبعك مسالم..
واقسى نتيجه ،،
تكتشف وش كثر قلبك
كااااااااااان واهم...
ياخطوة ٍ توقف
وانا توّي بديت
ليت انتظاري طال
ولا ّ ماهويت..
ليت ان قلبي ما اكتشف
انه على بعضه ذنوب..
يقدر يتوب
يقدر يخليني شمال..
ويروح لين اقصى الجنوب