[align=center]السلام عليكم
عيدكم مبارك وكل عام والجميع بالف خير
لطلب بعض الاخوه بعض القصايد من ارشيفي
حبيت اهدي لكم بعض القصايد القديمه
وعسى الله يكتب لها قبول [/align]
[align=center](المكان)[/align]
[poem=font="Simplified Arabic,4,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
جيت المكان وشفت ذيك المداهيل=وفز الخفوق وقلت يالله دخيلك
ذكرت جلستنا وحلو التعاليل=يومك تجيلي وصل عاشق وجيلك
كنتي تقولي بعدنا يفتر الحيل=وقول انا قلبك .. وصبرك .. وحيلك
فكري ادلالك والقوافي فناجيل=وجمر الغضى شوقِ طرد برد ليلك
امواصلك غيمٍ ترزم هماليل=يروي فياض القلب رجعت مسيلك
لله... يا حلو القا والمواصيل=واصعب من الثنتين لحظة رحيلك
وغبتي وضاقت نجمة الصبح وسهيل=وضاق الخفوق اللي بحبه يشيلك
يانور عيني والشقا والغرابيل=عقبك نديمٍ ما تفارق خليلك
جيت المكان وجيت ذيك المداهيل=وفز الخفوق وقلت يالله دخيلك[/poem]
[align=center](الليل وانتي)[/align]
[poem=font="Simplified Arabic,4,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
الليل وانتـي والسهــر زاد بلواي=وهم الفــــراق وهاجـسٍ يحتــويني
ودموعـــك الي بللت كــــف يمناي=تأثيرها ماهــو كما العــام فيني
يابنت روحــي واتركيـــني بدنياي=خلينـي ادلــه في بقـايا سنينــي
بنسى زمــــانٍ فات واعيش للــجاي=واطفي شموع الليل واشعـل حنيــني
وازبن جبال الهم واعزف على الناي=نغمة رحيـــــل الحــب قدام عيني
روحي وانا باروح والصـــدق مبداي=لا اذكــــرك وارجـــوك لا تذكريني[/poem]
[align=center](مخطي وكذاب)[/align]
[poem=font="Simplified Arabic,4,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
يقولون به مخطي .. وبه واحدٍ كذاب=وبه فيلسوفٍ بالحكي يبهر خطابه
ونا قول ما زال الوفاء عملة الاشناب=تصيح الحصاني والعشا دونه ذيابه
ترى باقيٍ للطيب ساسٍ نقي .. وهضاب=ولاكن وين اللي .. رقا.. قمة هضابه !!!
لك الله ياقرمٍ خذانا به الاعجاب=عظيمٍ .. رزينٍ .. ماتغير على صحابه
ولك الله يا وقتٍ يبين خفا الاصحاب=نفوسٍ تجيها صدق .. وجتيك كذابه
ونا لو يغيب الصدق صدقي بقا ما غاب=انا محزمٍ للوقت لا كشر انيابه
ونا مالحقني شك من واحدٍ مرتاب= ونفسي على ما (قيل) ماهيب مرتابه
عزيز الجناب وشهم ومعرّب الانساب = وليّ لابتن بالعز ما مثلها لابه
وبيني وبين اهل المصالح ذرا واحجاب =خلاص انتهى ما فات يا طيّب الجابه
وهذي نعاره من خفوقن ثبت ما هاب=شجاعت عزيزٍ لا... طغا الوقت ما هابه
ابنساك يادارٍ بها رعشت الاهداب= خذت سيف راعيها وخلت له جرابه[/poem]
[align=center](يدوم العز)[/align]
[poem=font="Simplified Arabic,4,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
يدوم العز والعزه تدوم بخاطرٍ مكسوور = ومال القلب لو كثرة همومه غير كتمانه
ونا باصبر وكابر ورسم ابـ وجهي فرح وسرور= وسلي خاطرٍ ماخان.. لو أن الزمن خانه
على شان الحبيب اللي بناله بالحنايا قصور = ابدمح زلة العايل واطنش ثورت السانه
على شانه ومن شانه بعديها ونا مقهور = مهو ذل ومهابه لا حشا لله من شانه
حبيبك.. ياحبيبي قبل عرفك ما يطيع الشور = ولكن من سكنتي داخله والشور عنوانه
على شانك عبرت البحر لا والله عبرت بحور= وعلى شانك ركبت المركب اللي خان ربانه
انا المتغطرس اللي لاطغى وقته غدا مغرور= يعاند واقعٍ يفرض عليه افراق خلانه[/poem]
[align=center]( هلابك )[/align]
[poem=font="Simplified Arabic,4,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
هلابك يابعد عمــري هلابك ياشقى الملتـاع =هلابك كثـر ماعانى جــريح القلب لوعـاته
يأجمل من رأت عيني ياغلى من وطى بالقاع =يـاعذب من حكى عنــي حـكالي عن معاناته
أحبك يابعد عمـــري أحبك والزمن ما طاع =احبك من صمـــيم القلب وتشهد كل نبضاته
تضيع الناس بالدنيا وزولك بالنظر ماضاع =غدا طيفـــــك مقرٍ له ليامن حـط نظراته
حبيبي ما دريت انه بقربــك بلسم الاوجاع =شفا روحي شفا قلبي حسافه شحت اوقـــاته
قريبه بس في عيني بعيــده والمسافه باع =وليلي آه من ليــــلي طويله حيل لحظاته[/poem]
[align=center]
وسلامتكم
وراح انزل مجموعه ثانيه من الارشيف
وعتذر للي طلباتهم ما نزلت مع المجموعه هذي
تحياتي للجميع
محمد[/align]
رد مع اقتباس
