ليش صدام ايغدر برض الكويت , سياسيه بحته

[محمد الجبريني]

مساكم الله بالخير والود والمحبه الصادقه
لايخفي على الكثير منكم مرض الشك والغير ه . الحمد الله
انا لم اعاني منه والأمور مستتبه
الى هذي الساعه المباركه
وعلى مايرام ولله الحمد والفضل والمنه




[poem=font="Arial,5,blue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
ليه ليه وليه ليه وليه ليه = وشو اللي ليه ليه الله نسيت
لاماهو لا ايه لابالله ايه = وش يجيب الكابرس جنب الونيت
ادري انها ماريح اطوف النبيه = ليش صدام ايغدر برض الكويت
لاماهو علمي ولاكنه شبيه = قمة اظيع من غلاها انا استويت
لاني اتكلم وقلبي ماهو فيه = لو تكون افيوز انا لها الدنميت
ايه تذكرت قلبي من لقيه = ياعرب ياناس انا وقلبي خذيت
هيه يالي ماخذه قلبي ياهيه = وش عليك اخذيه راااضي ام ابيت
من تولع في غرامك غرميه = اشهد اني في محبتك اب تليت
دام قلبي في يدينك قبليه = وعطفي عليه ياعلا وليت
ورفقي عليه ولا دمريه = كلها زي بعض أن مة أوحييت
أأأه كم مقدار حبي كم كميه = ااايه ياكم قل اخت وووكم عطيت
اااه كم مقدار حبي سعريه = أأأه كم لليل(ن) على شانك سريت
أأه يابلسم دوي الجرح اظمديه = اسألك بالله انا معك قسيت
شوفك وربي ياعمري اشتريه = ومن تفارقنا وربي ماسليت
من يشوفك غصب ابو جده يتيه = والله انه غير معك ايروح تيت
ريحي مخك وعقلي شتتيه = ومن يرشك لو بما ارشه بزيت
وان شناك الدهر او بعض الوجيه = اسكني فالصدر طيلة ماحييت
مايشكك بالنزيه الا السفيه = وانتي اغلي حب فالدني لقيت
والله ان الحر عيب ايشك فيه = ولحيتي ماهي تحت حكم الجليت
اجبري لي خاطري ولا اكسريه = ورحمي حالي تري منك ان بريت
كان غلق عقد حبي مدديه = لايروح الود ثم عاد استميت
لاطريتي لي وانا استشعر اتيه = وانسج اخيوط الشعر لك بيت بيت
دام قلبي معك روحي وافحصيه = وان طلع قولي خطا خبت وخسيت
يارسول الله بدو., لم تسمعيه؟ = الصدق طبع وسلوم ابها مشيت
اسمعي بالله علمي وفهميه = اشهد اني عن غرامك مانثنيت
من بعدك انا ماعاد اسوى جنيه = ماسمع ولا اشوف خلاص انعميت
والله اني طيب الاصل ونزيه = من عرب لهم صدى صوت(ن) وصيت
لاردي ولا حقير ولاكريه =في بيوت العز والطاله ربيت
هيه ضنك في يابنت احسنيه = النوايا المحق ماعنها دريت
اجتهادك ياعيوني وفريه = مالها داعي ياست اغلى البنيت
ومن يلوم العاشق الله يبتليه = كثر ما بالصد والهجر انكويت
والسلام اختام حبي واقبليه = تمة ابذكر النبي منها انتهيت



[/poem] وسلامتكم

[خــــالـــــد]

[align=center]
محمد الجبريني
ـــــــــــــــــــــــــ ــــــ
تسلم يالغالي

ويعطيك العافية

قصيدة جميلة



لا عدمناك
ـــــــــــــــــــــــــ ــــــ
أخوكـ/خالد
[/align]

[محمد الجبريني]

استاذي خالد صح بدنك وشكر ا لك
على تفضلك ومرورك
لاهنت تقبل ودي وتقديري اخووووك

[سعود السلمي]

بيض الله وجهك على هذي القصيده الجزله وصح لسانك

[أمل عبدالعزيز]

,
,

محمد الجبريني

صح لسانك ولو أن صدام الناس نسيته ويبدو أنه عالق بذهنك.
.

[محمد الجبريني]

بيض الله وجهك على هذي القصيده الجزله وصح لسانك

هاوي قصيد لاهنت وصح بدنك
ومشكوووووور على مرورك
تقديري واحتراااامي

[محمد الجبريني]

,
,

محمد الجبريني

صح لسانك ولو أن صدام الناس نسيته ويبدو أنه عالق بذهنك.
.

أمل عبد العزيز صح بدنك ومشكووووره على مرورك لاهنتي
وصدام المقصود هنا ماهو بصدام الي تذكرتيه كل ما فالامر
ان سمه يمثل الرجل الخائن العهود والمواثيق
والكويت جارته وما عملتله خيانه من قبل او اذا
بل مثلة اروع مشاعر الوفاء والحب والانسانيه الصادقه
فلماذا يهتك سترها والقصد كله عنوان فقط لجذب القراء
بس محقته يوم قلت سياسيه بحته معاد
احد مره قالو هذا بيستدرجنا كلٍ على نفسه حريص
هههههههههههههه ولك فاائق تقديري واحتراااامي