كيفكم = وش اخباركم = شوعاملين = وش مسوين = how are you = اريو تيقيه
<---- تعرفون لازم نراعي فارق اللهجات والجنسيات
المهم والله اشتقت لكم منذ زمن بعيد لم اسدح خشتي هنيّا
( صورة واحد يعّرب ) <---- يعرّب الفعل الماضي من عرّب المشتق من المصدر : عُربه
والعربه : هي انك تسلم على واحد بحيث انك تصكه بخدك لحد ماتكسر له حشوة ضرس العقل
<---- بس عاد يكفي مصالة
تيب
ندخل = ندش = ندرعم = نسوي ENTER لموضوعنا
كلكم ياشاطرين شايفين اللوحة اللي فوق ومكتوب عليها اللي مو قد السهر لايسهر
<----- لاتلومونه حلمه يصير مدرس ( فال الله ولا فالي ) :mf_popean
يازينها ايام المتوسطة <---- تكفى ياجدي مزنه ( ادري تقولون كيف تجي مو شغلكم )
المهم طول ايام الاختبارات وانا والوالدة مثل توم وجيري تعال يا ورع ذاكر ياورع امسك
كتابك ياورع وهذا قدر يصك بالباب وهذي كاسه بالجدار <----- مهما وصفت لكم ماراح تقدرون تتخيلون الموقف دمار شاااامل
<---- كل اختبارات امه تأثث المطبخ من جديد
اللي يشوفني يقول باحرر فلسطين اذا نجحت <----- فاصل سياسي
واستمرت احداث الشغب داخل بيتنا وانتهت الاختبارات بسلام
لكن باقي المعركة الكبرى معركة النجاح <---- ماشاء الله عليها الوالدة بهالمعركة حتى تلفزيونات تستخدم ومع ذلك يفزع معها الوالد
المهم جاني ولد خالتي التحفه وطول الليل انا وهو على انغام كراش <---- الله يرحم ايامك يا بلاستيشن 1 :خجل:
طبعا محتفلين انا وهو بمناسبة انه انفك الحصار عني
وتمر ساعه وساعتين وثلاث والوطيس مشتد بكراش
والوالدة ياولد طس ارقد عشان تصحى الصبح وتجيب الشهادة
وانا اقول لها والله اليوم يا انا يا ابو جبهه <---- عرفتوه اللي جبهته فيها حرف N
لحد ما اشارت ساعه بيج بين الى السابعه صباحا بعدها لا شعوريا انخمدت
وفجأة الا انا اتأمل سيراميك غرفتي <---- متعود على هالمنظر كل صبح مايصحى لحد ماتنطبع خشته بالسيراميك
واقوم وازبط خشتي واتّل ولد خالتي التحفه
وانطلقنا صوب المدرسة ( امحق من انطلاقه )
طبعا المدرسة اللي كنت ادرس فيها كان بجنبها مدرسة بنات مو بعيده عن مدرستنا
مدرستنا ومدرسة البنات كلهم نفس الشكل
دقيقه اجيب لكم الكروكي ... بالعربي المدرستين قريبه من بعض وتشبه بعض
وخويكم في الله وولد خالته الفلّه درعمو نحو مدرسة البنات على بالهم مدرسة الاولاد خخخخخخ
بس صراحه اول مرة ادري اني مستعد اسافر وانا نايم <----- ايه مبين ( مايقدر يقاوم النوم ابد )
ووصلت ووقفت السيارة ونزلت <---- اللي ساعده انه شاف كم واحد من اصحابه جايين ياخذون شهادات اخواتهم
المهم وصاحبنا يسابق خطاه للمدرسة وفجأة الا وذيك البنت اللي لابسه عبايتها و طالعه مع الباب
طبعا بعد هالمنظر تأكدت انه طبقو قيادة المرأة للسيارة بالمملكة لوووووول
رفعت عيني الا وذيك اللوحة اللي كبر جبهتي ومكتوب عليها مدرسة *********** للبنات
والله يا اني ضحكت ضحك غير طبيعي وارجع للتحفه اللي بالسيارة شافني اضحك وسألني وش فيك قلت له ابد
فيه احد يرسب ومايضحك قال دام كذا خذ راحتك الله يلوم اللي يلومك اذا ماضحكت وانت راسب متى تضحك
صحيح انه تحفه لكن ماحد فاهمني بهالدنيا الا هو بعدي والله ------------->
قلت له يامال العمى ماتعرف تقرا ماتشوف وش مكتوب
<---- تكفى ياللي داري عنها
خخخخخخخخخخخخخخخ
وذهبت الى مدرستي فوجدت انني حصدت اعلى الدرجات
والجسم السليم في العقل السليم
الا تعال انت وش فيك تغمز للي بجنبك
لا قول كذّاب قول
بصراحه والله هالموقف صار معي شخصيا
( صورة واحد يحط اصبعه بلسانه ثمّن يمرره على رقبته ) <---- للدلالة على الصدق
بس لاتنسون تقولون اللهم لاشماته <------ فإن شماتة الاعدا بلاء
وســـــــلامتكم