شاركوا معنا ..في (بدايتك على الأنتر نت)مواقف مضحكة

[فوووووشي]

سلام حمام احبكم كااااااااالكم <<سلام ود فديتها اخت زينب العسكري

فكرة الموضوع ...مواقف مضحكه مرت عليكم وانتم اول ما دخلتم النت ..

لان كل منا لا بد يمر بمواقف مو حلوه

وتضحك بنفس الوقت ..

واحلى موقف راح يعرض في مجلة غرابيل للعدد القادم

يالله شدوووووا الهمه

ونشوف مواقفكم الساخره ..

[*أهداب*]

هذا أول ما دخلت على النت ..
كنت بمنتدى ..
وفيه عضوة جديدة ..حاطه هذي صورة

7
7


عاد رديت عليها ..

قمت حررت ردي ..وزدت فيه

وقلت (عيب عليك يا أخت تحطين صورتك )

رجعت ..حررت ..ماش ما برد كبدي الرد

قلت الله يهدينا ويهديك ..أنتي ما تتقين الله ولا تخافينه
يوم تصورين روحك بهالشكل ..


..
برضه ..ماش ما أعجبني ..
جيت محمشة وقلت لا أبوك ولا أبو من عطاك نت ..
ياللي فيك ما يخطيك ..

تالي تحسفت ::
قلت وشلي يمكن من اللي عندهم البنت تطلع عادي

بس الحسافة كانت في آخر الليل ..
ويوم أصبح الصبح دريت من وحده عندي أنها صورة منتشرة ..

ويحطونها في معرفاتهم ..



ملاحظة: الصورة لتوضيح فقط ..فرجاءاً عدم سرقتها ...

اشكرك فش فاشة على الموضوع الرائع

[*أهداب*]

الموقف الثاني ..
من كثر ما جلسوا يتحدثون عن الهكرز ..والتهكير...

جلسوا ينصحون ...ويقولون ..الوحدة ماتحط المايك وهي تشتغل على النت ..

<<-- قلت ومن الخبلة اللي تحط ميك أب وهي تدخل نت ؟؟؟

8
8
8
سؤال بدوي بريء






سمعتها ميك أب ....ماهو مايك












أستروا ما واجهتوا ...

[بـنـت الـشـيـوخ]

يعطيك العافية فشفش على هالموضوع

عطينا من مواقفكـ انتي ,, اكيد انك قد جبتي العيد مية مررررررره هههههههههههه

قلت الله يهدينا ويهديك ..أنتي ما تتقين الله ولا تخافينه
يوم تصورين روحك بهالشكل ..

^
^
ههههههههههههههه

ياحليلكـ يااهدااااااااب



على كثر المواقف ,,,, غير ماهب ناشب في مخي غير راعي الفلونا ===>> تذكرينه


========>> يمكن ارجع لكم ببعض المواقف << هذا اذا رجعت >> واعذريني فوشه

[زويحف]

[align=center]عندي موقف على الطاير

بصراحه ولا عمري سمعت وش هو الإنترنت

قلت لازم اجرب وقتها كانت الطفره التنكلوجيا في بيتنا

إننا جبنا جهاز شمبيوتر المهـــم ذاك اليوم ما عرفت أشبك التوصيلات

كان أنقز الصباح عند واحد لبنااني وأجيبه البيت عندي وعطيته ثلاث حبات بقلاوه

حق تعبه معاي

المهم شبك الأسلاك وكل شئ وهاتك يا تفتيش في الكمبيوتر

إبداء تمقلت فيها زين ودخلت بعدها علامه إكسبلورر

وقلت أهااا الحين أدخل على النت وفكيت الصفحه وتطلع لايمكن العثور على ملقم

كان أدخل المفضله وأشوف شئ منسدح إسمه

(ماذا يجري الآن) قلت بس بشوف أخوي الكبير وين طاس

وأدور وأدور بس ماش

وأتصلت على واحد من الربع قالي لازم تتصل بالتلفون

عاد أخذ منه المعلومات كامله

والحين جاه دور النت وكيف أدخل فيه

رحت جبت التلفون مصعته من إذن أمي تكلم خالتي هيله قاعده تحش في عمتي فاطمه

بعد ما أخذته أدور وين أشبك التلفون وأنواع الحوسه

قلت يمكن أدخله في الفاره وأبي أشوف داحوس في الفاره مافيه

فكــرت في الوضع وجاتني فكــره إني أفتح الكيس

وجبت معي سكروب(مفك أربعطش) وأحل المسامير وبعضها حليتها بضروسي هههههههههه

وأنفك معي الجهاز كان أشوف شئ غريب والله

(يعلم الإنسان مالم يعلم )

في دوائر كهرومغنطيسيه وكهروسلكيه حتى إني شفت طحانه أمي خخخخخخخخخ

وفكيت ذيك الليله الجهاز كامل مسمار مسمار ووصله وصله

والمشكله تورط ماعندي خبره كيف أرجعهن

وأبوي يجيك الصباح شاف الحوسه في الغرفــه وذيك

الليله أمي تطلقت طلقه وحده

لأنه حلف لو خربته أمك طالق ههههههههههههههههه

تكفــون يالربع شوفوا لأمي محلل

ههههههههههههههههههههههههه هههههه[/align]

[عبدالرحمن الجبابرة]

السلام عليكم ورحمة الله وبركاته

والله يا فش فاشه البدايات دائما تكون متعبة وطريفة في بعض الأحيان

أنا تعلمت النت عن طريق ابن اختي كان عنده محل وأهدى لي جهاز وقال بعلمك النت قلت خير

المهم الرجال ما قصر جاب هذيك الكراتين وقام يفلفلها واحد واحد وشوي الا المجلس مليان اجهزة هذي شاشة وهذا

جهاز وهذي طابعة وقام يشبك فيها وفي الاخير اشتغل النت يا سلاااام ولا احلى منه ودرعمنا على الموقع حقه وقال ابشروا خالي جاكم وتعال ياترحيب وانا جالس اتفرج فيهم ما بعد اعرف ارد ولا ادرج مشاركات المهم الرجال جلس معي ليلة يعلمني وراح لسبيله


يوم يومين ثلاثة الوضع تمام ويوم جا اليوم الثالث تقريبا الا ما عاد به نت ولا عاد به اتصال يالله الخيره

فهد
هلا خالي
ياخالك البلية ماعاد اشتغل
طيب خالي اشتر بطاقة جديدة وسو اتصال من جديد
ياخالك وش عرفني بذا العلوم
طيب خالي نص ساعة وانا عندك
جا الرجال ماقصر وادخل البطاقة وسوا الاتصال وراح
وبعد فترة
هلا فهد
هلا خالي
الله يسلمك الاسطوانة الي انت خابر
طيب خالي جايك
المهم جا الرجال ما قصر دخل البطاقة واشتغل وقال خالي لازم تعرف تسوي الاتصال قلت طيب
المهم الرجال شرح لي وانا ما نيب صوبه ابي ادخل النت وكل ما قال تسوي كذا قلت اها وتسوي كذا اها وانا خالك الدرب سمح

بعد فترة هلا فهد
هلا خالي آمر
وأناخالك البلية ما اشتغل
طيب خالي انت خلك على الجهاز وانا اقول لك وش تسوي
طيب هات العلم المهم الرجال قام يشرح وانا ما نيب يمه أصلا المهم قلت وينك فيه قال في المحل قلت جايك
واقوم واضف أجهزتي وكراتيني وأسلاكي وهب طب الا وانا عنده في المحل

هلا فهد
هلا خالي الحين اسويها لك
الله يخليك يا ولدي لولاك ما ادري وش كان اسوي


المهم جلست متكل على الله ثم على فهد كل ما خلص الاشتراك شلت عفشي وتوجهت له

آخر شي بيوم سافر الرجال خارج المملكة واتصل عليه قال خالي انا مسافر آمر قلت الماخوذ يبي له تزبيط قام الرجال ضحك لين تقطع بطنه قال خالي انت لازم تعرف وتتعلم ها الاشياء موب معقول كل شوي وانت شايل جهازك وجايني او رايح لاحد قلت يارجال وش اسوي ما لي خلق على ها الدعابيس انا ودي اطق الباب وادخل على طول


المهم بعد فترة جلس معي وقت أطول وأعطاني المعلومات اللي أحتاجها ولا طلع لين تأكد أني ما عاد بشيل عفشي واطارده توالي الليالي من شان اسوي اتصال .


طبعا فيه مواقف اكثر طرافة من هذي لكن هذي اللي اتعبتني أكثر خخخخخخ


وبس وسلامتكم

[لمياء الديوان]

فوشي دخلت الموضوع لاني شفت اسمك منور فيه

موضوع من أولها رائع وأول المشاركين ماشاء الله اسماء لامعة

ومواقف صعبة حدثت لهم

غاليتي أهداب

ما تتذكري اسم العضوة المسكينه الي بلشتي فيها ؟؟؟

ثم صحيح هم ليش يقولوا مايك (( أضن في العربية عندنا أسمه سماعة ))


استاذي عبد الرحمن الجبابرة

الله يسلم لك أبن أختك صبر عليك كثير

(( زين الي سافر حتى تتعلم أنت وتعتق الرجال ))

زويحف

شمبيوتر<<<<<<<<<< عجبتني الكلمه تعرف أنها احلى من كلمة كمبيوتر



أما عني سأتابع معكم متابعه مباشره لمواقفكم


لاني لم أعاني من مشاكل عندما دخلت النت أول مره

كان النت في غرفتي بالجامعة

وتصوري فوشي دكتوره وتحتاج مساعده أو استفسار !!!!


أكيد الاقي كثيرين يقدمون المساعده لي

وكلما أحتجت شيء بيقولون حاضر


تقبلي مروري فوشي

[على شاطي البحر]

هههههههههه والله موتني ضحكهعهعهخهخهخ

[شحروره]

فوووشي وشوله نشر الغسيل ياااختي هههههههههههههههه


بس موضووع منيس نيااسة كاتبته ..

[نور بني تميم]

خخخخخخخخخخخخخخخخخخ
ياحليلك ياااااااااااااااااااااا اهداب.........خخخخخخخخخخخخ


شيختنا...........نننتظرك

خخخخخخ زوررريحف اجل بغيت ابوك يطلق امك الله يهديك انت وشمبيوترك
خخخخخخخخخخخخخخ

الاستاذ عبدالرحمن........يؤؤؤؤؤؤؤؤؤؤؤ ؤؤؤ والله بهذلت ولد اختك,......... وان كان صاحبك عسل لاتحلحسه كله..........ههههههههههههههههه هههههههههههههههههههه :هاها: :هاها:
اما انت تخيلت حالك لنت تشيل اغراضك
خخخخخخخخخخخخخخخخخخخخخخخخخ خ :mf_popean :mf_popean


د.لمياء ماشا الله تبارك الرحمن.................................دك� �ورة ويكفي.......الكل يساعدك

اما انا يافشفش وربي انا كلما تذكرت اللي صار لي ههههههههههههه تووووووووووحفه

اول مرة بحياتي ادخل النت........المهم كان اخوي يقولي انتي علمي نفسك ماراح اعلمك..وانا مدري وين الله حاطني
المهم مرة فتحت الكمبيوتر....وسوا اتصال تلقائي ....وسوا تسجيل على ايميل اخوي برضو تلقائي<<<<<<<المهم كنت اشوف عالحركات........ والناس اون لاين زحممممممممممه :11retcher
ويجيني رد من واحد من اخويا اخوي........ يقول يابو ناصر وينك مشغول..وينك رد..ولاتتغلى ياطعس.. يارااااااااقل .......ومن هالكلام....وانا عيوني طايرة...........*_* :11retcher

.......واقول وش ذا....وانا ماادري انه يسجل من نفسه عالدخول للايميل..,,,,,ووووووينادي وتنبيه....ومليون واحد يحاكيني على باله اني اخوووووووووووي.......... :هاها:
طبعا اول يوم مدري شالسالفه ثاني يوم ماقلت لاخوي................ :11retcher
ثالث يوم قلت لاخوي اذا فتحت الكمبيوتر.......يسوي تسجيل تلقائي عالايميل..وقال اخوي لاتردين عليهم وعلى طول
اخوي غير و ماحط تسجيل تلقائي..........
خخخخخخخ
بس كنت داااااااااااااااجه............ه ههههههههههههههههههههههههه ههههههههه
يسلمووووووووو وعطينا حركاتك يافشفش

[سيف العدالة]

اهداب

وربي مواقفك كوم دون الباقي

بجد موتيني ضحك يوم تقولين من الخبلة الي تحط ميك اب

ههههههههههههههههههههههههه ههههههههههههههه


بالنسبة لي انا اول دخولي قبل سنة وهنا بغرابيل

وكل مواقفي شاهدين عليها اهل غرابيل


ودي احكيها لكن خلوا الطابق مستور

[ماجد نصار]

انا صار لي موقف
وربي ماعمره صار لاي احد منكم

وانه الموقف اللي فعلا حسيت اني اغبى واحد في الدنيا

من جد موقف غباء
وغباااااااااااااااء
وغبااااااااااااااااء
وغباااااااااااااااااء


ولذلك
لن اقوول لكم يامعشر الجميع :)

[ماجد نصار]

[][aJgJI pJLc][]

:خجل:

:خجل:

صراحتن موقفيني جدن بريئة

الموقف الأول

اول ما تعلمت عالنت

كنت محتاج مواضيع

المهم فقالولي اصحابي مالك الا النت تلاقي فيه اللي تبيه ( العالم صار قرية صغيرة ) < بحكم العولمة والانفتاح الحضاري شين الفلسفة

المهم وبعد ما تعلمت على الاتصال وكل شي وعلموني باسم الموقع وكل شي

فتحت الصفحة الرئيسية على اساس بدخل اسم الموقع

وانحشرت ماعرفت كيف اكتب الرابط

قمت اتصلت على صاحبي عشان ينقذني بسرعة وقلتله > احط WWW ولا لاء :خجل: < يمينن بالله بريء

عاد ليومكم ذا وهو ماسكها علي < امتحني عساه بالعافية

الموقف الثاني

سمعت اصحابي في يوم يتكلمون عالماسنجر والايميلات

< قمت انا بسوي الخبرة والفاهم بينهم وانا مافي راسي وقلت لواحد من الشباب > بالله كم رقم ايميلك ؟!

وانفلت الجميع بالقهقهه

وانسلكت سلك مو طبيعي

< كان بريء وساذج للغاية

وفي النهاية استروا ما واجهتم ستر الله عيوبكم

الف شكر فش فاشة عالموضوع السترداي

[نور بني تميم]

بالله كم رقم ايميلك

الله يغربلك

خخخخخخخخخخخ