قولو ما شا الله تراني اعرست.....
في صبيحت زواجي وبعد الظهر كنت حاجز على ظهر الخطوط البريطانيه (بر تش ايرويز) الله من الفسقه
وصلت المطار ومعي المدام اللي كل شوي ونا ناسيها بمحل (ما تعوت على حرمه معي)(..مزحوم وما حد قدي عريس جديد ومسافر لندن ؟؟؟؟؟؟
المهم اقلعت الطياره ونا ابي الفكه من وجيه بعض الناس وخاصه المقهورين؟؟؟؟(يا قاهرهم ياولد البنه)
طبعا انا مرتبك اول مره اركب طياره واللغه من جنبها ...صحيح اتكلم فرنسي والماني (كثر منها )
بس انقليزي الله بالخير...يعني مثل الهندي اذا تكلم عربي....انا فيه يروح انا فيه يجي .
حاولت ادعي قدام الحرمه وطول الرحله وجهي في الدريشه من الخوف...والحرمه تحسبني مسوي ثقل؟؟؟؟
وبعد ربع ساعه اسمع المظيفه تقول لخويتها يالله نقلط يوم سمعت نقلط قلت الدعوه مفاطيح معقول وشلون بنجلس
على المفطح (همه بطنه )
شوي الا ويقدمون ذيك الوجبه (يزين الاكل في السماء ) يعنني راعي اتكيت
ويوم حطة المظيفه الاكل واقمز وطلع البوك بحاسب قدام الحرمه ؟؟؟؟
وتغمز لي وقالت ترى تطليعة البوك هذي في مطاعم المندي والمثلوثه رجع البوك واثقل ولا تفشلنا قدام الاجانب
ويضيع وجهي زياده وسوي نفسي امزح مع المظيفه .
واقوم بعد طيحة الوجه واخذ لي لفه بالطياره (ابا كحل عيوني )
وكل ما جاء مطب هوائي ليني متعلق برقبة واحد من ذا الخواجات؟؟؟؟
وامشي بالطياره وعلمي بنفسي اشوف الركاب جالسين على الكراسي وشوي ما شوف قدام عيو ني الا كنادر وشراريب...
اثري دخت وزلقت على وجهي في ممر الطياره .
جو المظيفين والمظيفات وشالوني ودوني لكرسيي وسالو زوجتي قالو وشو شارب ؟؟؟؟قالت بيره (موسي )ليش؟؟
قالو اذا تحرك من الكرسي ترى بنربطه لين نوصل....... (وين خروف) وبعدها عقلت رقدت ما قمت الا
بمطارهم.
ويوم وصلنا لندن ونا خذ ذاك التكسي اللي تسنه( خنفسانه )واركب محل السواق على بالي مثل سياراتنا عاد السواق يقول حول انت جالس محلي ونا اقول تراني عريس ولا ابي مشاكل ؟؟؟؟
وفي الاخير مر واحد عربي وسمع اللجه انا وياه ويطل بالسياره قال انزل عن مكان السواق الله يفضحك ؟؟؟
هذا محل السواق يالسبهه (هذا وانت بالنهار اجل وش بتسوي تالي الليل الله يعين اللي معك ..قلت لا يكثر تراني معرس جديد .
واركب يسار السواق ليني ضميان من البيره الله لا يعيدها ومصدع بعد ...وافك ذاك العصير ما خذه من الطياره
ويوم شربته واذب العلبه في وجه السواق ......وينا ظرني البريطاني بحقد وابتسم له من الخوف ...
واعتذر له بالعربي ويوم شاف حالي وعيوني ذيك الحمر سكت .
[وصلنا للفندق ....شكلكم متحمسين صح......
وبدلت ملابسي اللي شريت من البطحاء ....وقلت للمدام يالله خلينا نسوي شوبنق (سامع بالشوبتق ولا يدري وش االسالفه )
يوم اظلم الليل ونروح ذاك المطعم واتقابل انا وياها واقعد اصيح تذكرت هلي ؟؟؟
والله وتسكتني وقالت احجز على اقرب رحله وكمل صياحك عند هلك الله لا يبارك فيك ...وثاني يوم ونا جاي
وحالف ما سافر ابد من اللي شفته .....وسلامتكم
تحياتي
WaladAlBanah:p
رد مع اقتباس
[/align]
