[poem=font="Simplified Arabic,5,black,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
دامك ثمينه ألبسي الماس لك طوق=واتبختري بممشاك مايشبهك حيّ
قولي لهم إنك فقط ذوق في ذوق=والشي لامنك ظهرتي ولا شيّ
وإنك خرافة حسن والطاق مطبوق= متفرده ماشفت في الأرض لك زيّ
تضيع فيك الغيد والكل محروق=من شمسك اللي بخّرت باقي الميّ
والله عجب هالوجه من طين مخلوق= كنه خليط الورد والمسك والضيّ
والأعجب أن في داخلك دم وعروق=سبحان من صوّرك .. القادر الحيّ
لو طالعوا هالرمش عشاقة النوق=العالم الله نسيوا الوضح والريّ
ولو طالعك تافه وساذج ومطفوق=يصير مامثله ولد في بلد طيّ
حني عليّ بالهون ما أحتمل بوق= كنّك عليّ الكيّ .. والفضفضه : أيّ
أصبحت من حالي وبالغصب مسروق=لا بارك الله فيك ياعالم الغيّ
شفني بعد ماكنت ريضان وعذوق=صارت حروفي بس .. الباقيه ليّ[/poem]