[align=center]مساءكم سكر :
.
.
.
خلوها . . !!
.
.
قصيدة جديدة أتمنى ان تنال رضاكم . . للجميع الشكر على عذب المرور :
.
.
[poem=font="Simplified Arabic,5,blue,normal,normal" bkcolor="transparent" bkimage="" border="none,4,gray" type=1 line=1 align=center use=ex num="0,black"]
باقي مثل ماأنته حبيبي ولازلت = غالي . . ولاغيرك من الناس غالي !!
رغم الجفا اللي عذب الروح ماقلت = إلا عساك بخير . . ياراسمالي !!
اخفيت جرحي بالضمير وتحملت = فرقاك . . لوفرقاك فوووق إحتمالي !!
وأنا بطبعي لاكبر حزني أشملت = من قبل مااخسر لي رفيق ٍ موالي !!
سكت عن بعض السوالف وجاملت = لاكدرت صفوي . . ولاضاق بالي !!
ولو يحترق روض المعاليق ماشلت = هم الوصال . . الله يجيب الوصالي !!
وشلون عاد الغالي اللي معه نلت = مكاسبي بالحب . . أول وتالي !!
ياللي على رجم المشاعر تطاولت = وبنيت بيتك في سفوح الجبالي !!
أكرمت من حطك هواه وتجملت = في خافق ٍ ماهو من الحزن خالي !!
شفني إذا طوّل غيابك .. تسائلت = (( معقول صدر اللي عشقته شمالي )) !!
وأنا أدري انك لك عذر يوم طولت = لكن خفوقي بالصبر مايبالي !!
والبارحة في ذكرياتي تأملت = في ليلة ٍ ماهيب مثل الليالي !!
لقيت فيها أكثر من اللي تخيلت = حقيقة ٍ تتعب عقول الرجالي !!
مرت بي أيام الغرام وتمثلت = أصدق هجوسي بالبيوت الجزالي !![/poem]
.
.
منصور ضيف الله الحربي
16/3/2007م[/align]