صارت لي سالفة يوم كنت في الرابع الابتدائي (بنوته صغيرونه )
السالفة و ما فيها كان في يوم الاحتفال بعيد الجلوس ( لسمو الشيخ زايد الله يرحمه و يغمد روحه الجنة آآآآآآآآآآآآآآآآآآآمين )
المدرسة نظمت حفلة تقام بعد الحصة الثانية لين نهاية الدوام و من بين فعاليات الاحتفال
( أشعار و مسرحيات و ألعاب و مسابقات ثقافية و توزيع الجوائز و غيرها من الفعاليات )
= على طارئ المدرسة أنا كنت قائدة لشلة المشاغبة في المدرسة معروفة على كبر المدرسة
كلها لما اقول كلمة يقولوا أنتي تأمري امشي وحنا وراءج
ما شاء الله عليهم مطيعات هالبنات ( يا زين القيادة )ههههههههههههههه
في ذاك اليوم العزيز على قلوبنا لبسنا ملابس الاحتفال و ربطنا معصمنا بشريطة علم الدولة و رفعنا الاعلام و غنينا و لعبنا
لين حلوقنا عورتنا
قلت لهم يالا نروح نشتري قالوا يالا المهم وصلنا عند المقصف مال الاكل ( سنتوب و بطاطس اشكال و انواع و شكولاته ….. ) خليتهم يشتروا لي و
قلت لهم انطركم عند فصلنا تعالوا و لا تتأخرون
ما اشوف الا هم تأخروا مع اني وصيتهم مب يتأخرون
حشه ويش يالسين يشترون عن يكون سوبر ماركات و انا مدري هههههههههه
دفووووووويا
المهم شرفوا البنات( يا ويلهم مني خخخخخخخ)
قالوا لي حنا راحنا نشتري لج هدية يايييييييييي زين انا احب الهدايا قلت هالمرة سماح عسب جي ماكو عقاب يا حلاتكم ييبين لي هدية
= فرحتي ما توصف و انا متشققه من الفرحة و جان تقوم وحدة و تعطينا بالونه
شكبرها جنه منطار = عاد امزح
المهم شكرتها و قلت لها الله يزاج خير يا الغلا
و اكلنا لين ترسنا بطونا عقبها
رحنا نتمشي و لما كنا في طريجنا للمكان المسابقات اللي راح تبدأ بعد شوية ما اشوف اللي وحده يايه بكل جرأة ماسكه دبوس اشكبره و تفقع البالونه اللي ماسكتنها = لا احم و لا دستور :icon_frow :icon_frow :icon_frow ،
حزتها طلعت قرون في راسي و قامت فيوزاتي تضرب يمين و يسار ههههههههههه و خليت البنات يمسكوها عسب اسالها اشلون تسوين جي ببالونتي وليش ؟؟؟؟؟؟؟؟
ابها تعترف ماكو فايده فيها و كلمة مني و ضربة من احدى بنات الشله مب رضيت تعترف = جنا في سجن مب جنا في مدرسة الابتدائية
المهم شفتنا وحدة من هالمدرسات و قالت شبلاكم ماطين شعور بعض و تتضربون يالله جدامي الحين بتبدأ المسابقات و قلنا لها حاضر يا ابلة =
وانا دمي يثور ودي افقع راس البنت اللي طرت بالونتي ههههههههههههه
المهم علمت الشلة انى راح ايب امي المدرسة باجر واباكم تعترفوا جدام المديرة و امي مين اللي طرت( فرقعت ) البالونه مالي قالوا فالج طيب يا القايدة المحنكة خخخخخخ
و هذا اللي استوى رحت البيت و علمت امي و قلت لها ماكو روحه للمدرسة باجر الا ريلي على ريالج = قالت الوالده استهدى بالله اشبلاج عسب بالونه تبيني اي المدرسة خرفتي يابنيه
لمهم الوالدة مب قدرت توصل معي لنتيجة مرضية وعلمتني انها راح تيي وياي المدرسة و تشوف السالفة هذى
و من باجر يات امي و دشيت انا وياها مكتب مديرة المدرسة سلاموا على بعضهم
و امي كانت مستحيه من الموقف شنو راح تقول للمديرة انا يايه عسب بنت فقعت بالونه بنتي = لما شفت امي مب قالت و لا حتى رمست ………:زعلان: :زعلان: :زعلان:
.وقفت انا جدام المديرة قلتها انا بخبرج شنهو السالفة و انتي حكمي بالعدل قالت زين بس صبري شوية عسب ييبون البنت اللي مشكيه عليها قلت لها =
يا الله بصبر ويش ورائ ماكو شئ المهم ( يالسه هنا لما اخذ حقي )
يأت البنت ودموعها اربع اربع لما دشت المكتب و امي تأخذها بالاحضان و تطبطب عليها وتقول لها بس بنتي لا تصيحي مب يصير جي و المديرة و المعلمات كلهم يسكتونها
المهم وقفت ارمس مع المديرة=== و لا أخاف في الله لومة لائم ===((جنا في محكمة))
حتى المديرة قالت لامي هالبنت اتوقع لها مستقبل زاهر يوم هي في الابتدائية تتكلم و تناقش جيف بتكون لما بتكبر
( ما شاء الله علي دبلوماسية خخخخخخخخخخ)
المهم بعد الاخذ و العطاء( كلام رايح و كلام راد ) قالت المديرة عندي حل وسط استدعي مربية الصف مالكم و تشلكم الصف ويشهدوا البنات مين اللي فقع بالونتج و نشوف من الصادقة بينكم قلت ===== عين العقل و الله ( يا الله بنتقم منها واخيرا )
يأت معلمة الصف مسكتني بيدها اليمني ومسكت البنت اللي فقعت بالونتي بيدها اليسرى و رحت بينا لين الصف
دقت الباب مال الصف و فتحت لها المعلمة اللي كانت هنالك و طلبت منها مستقطع من الابر اووووووووه
قصدي مستقطع من الوقت ههههههههههه
قالت لها تفضلي و يأت الصاعقة اللي ما كنت اتوقعها أبد يوم سألت البنات مين فقع بالونة دفوووويا قالوا البنات بصوتا واحد:واو: :واو: ( طبعا شلتي سكتت مدري ويش ياهم هدووووووء مرة وحده )
دف دف هي اللي طرت بالونتها بنفسها = لو شفتوا ويهي ذيج الحزه جان متوا من الضحك ههههههههههه لاني يلست اضحك
و عقبها قلت لهم اللي قلتوها شهادة زور و ربي راح ياخذ حقي منكم = بعدها ويهي احترق من امي و المديرة و قلت لهم عادييييين اذ ما صدقتوني المهم ضميري مرتاح
و ردت امي البيت( ياويلي من ابوي شو اللي بسوي فيني يوم بيعرف السالفة )
انا رجعت الصف و الشرار يتطاير من عنوني ابي اذبح شلتي الخاينة
شنو هذا اللي سويته؟؟؟؟؟؟؟؟ عاد بكل بساطة قالوا يا دف دف هي قالت لينا بتعطينا دروس خصوصية في الرياضيات
( ما شاء الله على البنت الي فقعت بالونتي تراها شاطرة و طالعة علينا الاولي )
قلت عساكم اصفار عيل شهادة زور يا شلة المشاغبين وين بتروحوا من عقاب الله في يوم القيامة
وقاموا يصيحوا و اللي قاعدة تتأسف و تتسمح مني المهم سامحتهم = عسب نطفر بذيج البنت بأي طريقة
المهم قعدت البنت سنتين في مدرستنا و عقبها راحت مدرسة ثانية و بعد أربع سنوات رجعت مدرستنا مرة ثانية لما كنا في الصف الثاني ثانوي المهم شفتها وسلمت عليها تدرون شو قلت لها: تتذكرين البالونه اللي فرقعتيها
سكتت(ما قالت شئ ) و عاديييييييييييييييي صرت ارمس معها شرات رفيجاتي .
وتوته توتا خلصت الحتوته
لحد الحين امووووووووووت من الضحك لما اذكر هالموقف واشلون يبت امي المدرسة عسب بالونه
ههههههههههههههه
هههههههههههههههه
شررررررررررايكم ؟؟؟؟؟!!!!
أختكم / دفء الحنين
رد مع اقتباس
المشاركة الأصلية كتبت بواسطة شقراويه
[/mark]
