[align=center]جلست بضيقتي وحدي افكر في بداياتي
على شاطئ البحر جالس وكان اليوم بغروبه
على الشاطئ جلست احسب جروحي وكل خسارتي
وكان الوقت حزتها مطر وقلوب...مرعوبة
وكانت طفله اصغيره بجنبي تقرا حسراتي
كأن الضيقه في وجهى وهي بالروح مكتوبة
تذكرت الحبيبه يومها خلتني بآهاتي
بعد ما جتني تشكي لي تقول اليوم مخطوبه
وعرسي..في شهر(واحد) وضاعت كل حيلاتي
وأمي اعزمت ناسي ولعرسي جهزوا ثوبه
تقول ارجوك تحرق صوري مع رسالاتي
وفراقك ماهو بكيفي وإنا والله مغصوبه
وقالت خذ وعد من دمعي المقهور بسكاتي
اموت بحبك الغالي وارد احيا على دروبه
وقالت..مدري وش قالت ...انا ميت بلحظاتي
خنقني الهم في صدري وشفت الدنيا مقلوبه
أبستوعب ولآني قادر استوعب نهاياتي
أبي ذرة فرح لكن لقيت الفرحة مسلوبه
تساوت دنيتي بعيني تساوى الماضي باالاتي
ما دام ان العيوب اليوم ترفع ناس معيوبه
رجعت لغرفتي بين (الاثاث) وبين شماعتي
اناظر كل رسا يلها وقلت...؟ان كان لي حوبه
يا عل اللي خذاها ياخذه ربي من ادعاتي
يشوف اللي اناا شفته ويصير الهم مشروبه
بكيت وما لقيت اللي يواسيني بدمعاتي
وشكيت الجرح للدنيا ولا منهو لفت صوبه
ما غير(أمي) تحاول بس تخفف لي معاناتي
وبكت شافت حياة اوليدها للموت مطلوبه
يا دنيا بس خليني ابي ارتاح في ذاتي
انا كني على الدنيا خلقتني ربي اعقوبه
ابنسي واطوي الذكرى ابدفن كل حكاياتي
ابمشي وما أبي احد وهي توبه بعد توبه
ابقطع سيرتك واطلب من المولى بركعاتي
يصبرني على غيابك وأعيش بدنيه محجووبه
وإنا قلبي يا عمري تاب وعزم يجمع اشتاتي
وإذا قلبي طلع مذنب ترى انتي اعظم اذنووبه[/align]
رد مع اقتباس
-new.gif)
