[poem=font="Simplified Arabic,5,blue,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
تبغى جديـدي هـاك هـذا جديـدي=من خافقاً جمـع غلاتـك وسمـاك
يا آسمى معاني ما أنكتب من قصيدي=ليا هاج وجدان المعانـي علـى آك
يادمي اللـي جاريـاً فـي وريـدي=سبحان رباً صـورك ثـم سـواك
العيد شوفك وانـت بالعيـد عيـدي=وأحلى ليال العيـد عيـدي بلقيـاك
ماشفت والله كيف ترسمـك أيـدي=ليا صار محجر ناظري في محيـاك
يوم اتحـرى جيتـك مـن بعيـدي=تفرك يدينك مستحـاً مـن سوايـاك
تغضي بعينك عن عيونـي وميـدي=انك تعذر عن سبب وقـت فرقـاك
تقـول والله تبـت ياسـيـد سـيـدي=وانت العفو ليا زل اصغـر رعايـاك
انا ادري انـي كـدت والكيـد كيـدي=وكيد المره ماهو على مثـل شـرواك
نـوخ مطايـايـه وقـيـده قـيـدي=واكسر غروري بنظرتـك لاعدمنـاك
لبك .. جديلـي فـي يدينـك وتيـدي=جود عمود البيـت والبيـت بحمـاك
جيتـك مـن اللهفـه توقـد وقيـدي=اخـاف تابـس والمعاليـق تضمـاك
ابرتـوي مـن جمتـك واستعـيـدي=روح العروق إليا ارتوت من ثنايـاك
ياغيمي اللـي مـن بطـاه استجيـدي=نوض البروق إليا امطرت وانحدر ماك
ياوجـد وجـدي ياغلايـه وبـيـدي=ياكونـي اللـي مـا اهتنالـي بليـاك
يامي وابـوي وعزوتـي ياعضيـدي=ياتـاج راسـي ياحياتـي انـا فـداك
يامسهـر عيونـي ومشقـي بريـدي=يامتعبـاً ربعـي بفعلـك وسطـواك
ياأقوى نسم من واهجـي فـي نهيـدي=يا آهات قلبي والنسـم مـن حنايـاك
يـا أجمـل غرامـاً استبـد بجهيـدي=بذلتلك جهدي وعمـري ابـا رضـاك
وطوعـت لعيونـك سرايـا عبيـدي=وعذلت شعبي عن عتابـك ولا مـاك
وأرخصتلك روحي وجالـك مديـدي=ذوداً من اشواق الغـلا سـار يبغـاك
لبيـه لعيـونـك وتـقـراه مـيـدي=جيت اعتذر لجل استمع في وصايـاك
آمـر تدلـل واطلـب اللـي تريـدي=قول : أسمعي ثم احفظـي ماعطينـاك
وأقولك يانـور عينـي وازيـدي=نصحاً على قولي وأحذرك وانهاك
إن عاد .. عدتيها ورحتي بعيـدي=ليجيك شيئاً من العناء مابعد جـاك
والله لأنفـذ مابقـى مـن وعيـدي=لأجرحك واقفي وابتعد عنك وانساك[/poem][/poem]
رد مع اقتباس
