الرحلة
إهداء لمنتدى غرابيل
أتمنى أن تنال إعجابكم
[poem=font="Simplified Arabic,5,blue,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
من جنوب أبها الى حايل يمين=رحلةٍ مرت على جبال السـراه
واتجهت لشـرق يالله المعيـن=للخليج وساحله واللـي حـواه
ونجد موطن عزوتي والأقربين=سرتها واحصي بها حضر وفلاه
رحلةٍ من نجد سطرها حزيـن=رحلةٍ طالت وقلبي فـي عنـاه
عل يبرى جرح قلبي له رهيـن=وعل رحلتنا تخفف مـن بـلاه
أكتم الونات ودموعـي تبيـن=كلها باسباب مـردوع الشفـاه
كل ما حدد وعد والوعد ديـن=يختفي مـده وموعدنـا نسـاه
ويعتذر خلي وانا له في حنيـن=واقبل اعذاره واعدي له خطـاه
واتحرى ساعة الفرحه تحيـن=يوم اشوفه تنبض عروقي حياه
لحظةٍ تسوى ملاييـن السنيـن=ليت وقتي وقف بساعـة لقـاه
به جمالٍ صور الخالق وزيـن=جل ربٍ صوره ماكثـر حـلاه
العيون ان سلهمت سحـرٍ دفيـن=خلفها سر ٍمن اسـرار الوفـاه
والثنايا در والمـاس ولجيـن=والشفايف كنها جمرة غضـاه
وطلته والبدر لـي متشابهيـن=وإن لقيته ليل يجهرني ضيـاه
وخصرها مع هبت النسمه يلين=عود ريحان ٍتمايل فـي طـراه
منه شفت الوجد والجرح المكين=لو طلب عمري ثمن روحي فداه
أعشقه واهواه رغم الحاسديـن=في جدار القلب محفـورٍ غـلاه
واعشقه وافديه روحي والثمين=هو فرح قلبي وهو غاية منـاه
,,=,, [/poem]
رد مع اقتباس
-new.gif)
