مواقف كوميدية حصلت لنا في حياتنا اليومية

[إيطاليانو]

في مرة كنت رايح اشتغل في مصنع ملابس جاهزة فيه بنات وولاد وكده يعنى
مع إنى ما بعرفش أى حاجه عن الملابس الجاهزة غير إن الولد بيلبس بنطلون
والبنت بتلبس جيبة
( بس المعايير دي ما بقيتش مضمونة اليومين دول )
ههههههههههه
أو بمعنى أصح لقيت إنى متخلف جدآ وغير متحضر
والمعلومات دي إتغيرت من زماااااااااااان وماعادتش موجودة دلوقتى .. المهم .. يعنى الشاب ممكن تلاقيه لابس مايوه وماشي بيه في الشارع عادى خالص ..
البنت لابسه بنطلون أخوها الصغير ومش عارف لابساه بلبيسة الجزم ولا داهنة رجلها فازلين علشان تعرف تلبسه
ههههههههههه
لا وتلاقي البنطلون كمان دايب وإحتمال يكون مقطوع كمان
ولما إتكلمت قالولى دي الموضه دلوقتى يا جاهل
ما علينا .. نرجع للمصنع تانى
شوية الشباب والبنات اللى مقدمين علشان يشتغلوا وأنا من ضمنهم كنا بنروح كل يوم المصنع علشان ناخد إستمارات الكشف الطبي علشان التعيين
( عقبال أمالتكم كده لما اشوفكم متعينين وبقيتوا موظفين قد الدنيا ههههههههههه)
وكل يوم نروح شوية الشباب والبنات اللى مقدمين علشان ناخد الأستمارة دى
يقولولنا بكرة .. وبكرة يجر بكرة وهكذا .. وخدوا علي الكلام ده بتاع أسبوعين كده ..
وكل مرة وإحنا واقفين نلاقي واحد من اللى جوة المصنع جايب أستمارات الكشف الطبي وعمال يوزعها علي البنات اللى واقفين بس ..
والشباب واقف زى قراطيس الجوافه بالظبط ههههههههههه .. أه وأنا منهم طبعآ
بس في مرة لقيت روح الثورة الداخلية نطت في عروقى
وعرق المرجلة ضرب في نافوخى ههههههههههه
وقولت أما اعمل فيها ابو السبع رجالة ولا إبن عنتر بن شداد الله يرحمه
ويفجر التوبة اللى تحت راسه ههههههههههه قدام البنات اللى واقفه
روحت مدي العنان لحنجرتى وعملت فيها مغنى أوبرالى
وروحت مزعق ومبهدل الدنيا علي شوية شتيمة من اللى قلبكم يحبها لزوم المرجلة يعنى هههههههههههههههه يا ريتنى ما شتمت !!
فجأة وبدون مقدمات وربنا زي ما بقولكم كده لقيت خير الله إما أجعله خير
الدنيا ضلمت في وشى وبعد محاولات مضنيه علشان الم بالواقع اللى حواليا
قدرت أحدد وبعد عناء شديد إنى وشى لزق في صدر بنى أدم
ههههههههههههههه
أه والله صدر بنى أدم من السيكيوريت بتاع المصنع
والراجل ده بسم الله ما شاء الله لا شوفت ولا هاشوف ( ولا عايز أشوف ) طول زيه كده ( وأنا اللى كنت فاكر نفسي طويل بلا نيلة ) ههههههههههههههه
ولقيته راح مادد إيده وماسك في زماره رقبتى وراح رافعنى لفوق
أه والله
وشوفت الشباب ربنا يخليهم يا رب وأنا فوق كده عاملين زي النمل هههههه
( مش قوي يعنى ) إن فيه حد من الشباب يتحرك من مكانه ...
ولاد الكلب ولا بنى أدم أتحرك وسابونى متشعلق فوق كده
هههههههههههههه
والبنات اللى عمالة تمصمص شفايفها وتتصعبن عليا ..
واللى عمالة تقول يا حول الله يا رب حد ينزله يا جدعان ..
وأخينا السيكيوريت ده مش يحترم نفسه شوية ويسيبلي شوية
إحترام قدام البشرية اللى واقفه .. لأ .. رفع وحلف ما ينزل تانى
روحت قولت ما بدهاش بقي
فضلت اضرب فيه أضرب فيه وأقولهم شيلوه من فوقى لآموته
ههههههههههههههه
لحد ما اغمى عليا من كتر الضرب
لحد ما ربنا يكرمه بقي مدير شئون العاملين اللى في المصنع
هو اللى خلصه من فوق منى
لو كان فضل شوية كان زمان أخينا السيكيوريت ده أخد لقب المرحوم
هههههههههههههههه
كنت بهدلته ضرب إحممممممممم
والحمد لله بعد ما ( أديته ) العلقه التمام
مدير شئون العاملين بنفسه جابلي استمارة الكشف الطبى
( وماروحتش الكشف ) هههههههههه
أصلي بيني وبينكم جسمي إتدشدش وما قدرتش أقوم تانى يوم أروح الكشف الطبي
ههههههههههههههه
يعنى أكلت العلقه ويا ريتنى اشتغلت ..
بس دي كانت أول مرة وأخر مرة
أعمل فيها إبن عنتر إبن شداد
( الله يخرب بيتك يا عنتر )ههههههههههههههه

يلا بقي اللى عنده حكايه أو موقف يا ريته يحكيه لينا
وما يخافش
مش هانضحك عليه
زى ما أنتوا كده مؤدبين ومحترمين وما ضحكتوش عليا
ماشي
يلا سلامو عليكو

[•.'Deem'.•]

^^^^^^^^
يا اخي اسلوبك نفس اسلوب دكتورتنا سبحان الله........

فعلا موقف ما تحسد عليه ......
بنى أدم من السيكيوريت <<<قعدت سنه اتهجاه لما عرفت انه السكيورتي "الامن يعني" خخخخخخخخخخخخ

بصراحه انا ما عندي مواقف من النوع القوي هذا........ بنوته

يعطيك الف عافيه وسيب عنك ابن شداد ......والثوره الداخليه اعمل لها كنترول ...:مزون:
تحياتي..........

[عبدالرحمن العتيبي]

هههههههههههههههه ايطاليو بجد رايق

ومش حانئدر نغمض عيونا من الدحك

تسلم بجد دمك شربات

وعاوز ائولك يديك الصحه والعافيه

ومع ايطاليو مش حتئدر تغمض عينك

تقبل ودي ووردي

[إيطاليانو]

^^^^^^^^
يا اخي اسلوبك نفس اسلوب دكتورتنا سبحان الله........
( طب ما تخليها دكتور يا Sma!L أهو علي الآقل من نفس الجنس البشري ههههههههه )
فعلا موقف ما تحسد عليه ......
( أتفضلي معانا ما تتكسفيش ههههههههه )

بنى أدم من السيكيوريت <<<قعدت سنه اتهجاه لما عرفت انه السكيورتي "الامن يعني" خخخخخخخخخخخخ
( هههههههههههه تصدقي أنا أول مرة أعرف إن السيكيوريتي يعنى الأمن ههههههههه )

بصراحه انا ما عندي مواقف من النوع القوي هذا........ بنوته
( طب مفيش مواقف من النوع النص قوي هههههههه بما إنك بنوتة يعنى ؟!! )

يعطيك الف عافيه وسيب عنك ابن شداد ......والثوره الداخليه اعمل لها كنترول ...:مزون:
( هو موديني في داهية غير روح الثورة الداخلية دي ههههههههه )

تحياتي..........
(تحياتى ليكي إنتى يا قمر)

Sma!L
نورتى الموضوع بقلمك ووجودك وتعليقك
والف شكر ليكي علي تواجدك

[إيطاليانو]

هههههههههههههههه ايطاليو بجد رايق

ومش حانئدر نغمض عيونا من الدحك

تسلم بجد دمك شربات

وعاوز ائولك يديك الصحه والعافيه

ومع ايطاليو مش حتئدر تغمض عينك

تقبل ودي ووردي

ربنا يخليكي يا رب يا عبد الرحمن العتيبي
أخجلتم تواضعنا بكلامك اللى زى العسل
الف شكر ليك تواجدك في الموضوع
والف شكر ردك عليه
ولك منى جزيل الشكر والأحترام والتقدير

[إيطاليانو]

أه
نسيت أقول متشكرين لمقص الرقيب
ههههههههههههههه
مع إنها حاجات عادية يعنى اللى قصتوها مش محتاجة القص
يلا سلامو عليكو بقا

[نور بني تميم]

.. يعنى الشاب ممكن تلاقيه لابس مايوه وماشي بيه في الشارع عادى خالص ..

خخخخخخخخخخخ ايوة صح وكمان مليان اوي اليومين دول

البنت لابسه بنطلون أخوها الصغير ومش عارف لابساه بلبيسة الجزم ولا داهنة رجلها فازلين علشان تعرف تلبسه

:هاها::هاها::هاها:
ههههههههههه

قدرت أحدد وبعد عناء شديد إنى وشى لزق في صدر بنى أدم
ههههههههههههههه
أه والله صدر بنى أدم من السيكيوريت بتاع المصنع

يـــــــــــــــــــالهوو ووووووووووووووووووووووووو ووووووووووووي
ولق

والراجل ده بسم الله ما شاء الله لا شوفت ولا هاشوف ( ولا عايز أشوف ) طول زيه كده ( وأنا اللى كنت فاكر نفسي طويل بلا نيلة ) ههههههههههههههه

ياسااااااتر استر

ولاد الكلب ولا بنى أدم أتحرك وسابونى متشعلق فوق كده

لو كنت مش راقل نطو على العملاق الاخضر وكسرو اصابعووووووو
وكمان ماشتغلتش؟.؟؟؟؟
وربنا رحمتك دنت حالتك بتئطع الالب ربنا يصبرك اخدت علئة وكمان ماشتغلتش
دي فعايل الشيطان ربنا يصبرك.............

ايطالياااااااااااااااااان و :واو::واو:

خخخخخخخخخخخخخخخخخخ
مشتكرة اوي اوي عالسولافه اللي بتدمع العين وبتئطع الالب ..............
نستناك في سولافه حلووووووووووووووووووووة
اووووووووووووووووكي :كلوش::كلوش:

[Forgot1991*]

المواقف هي الحياة ألي نعيشها علشان كذا حياتنا كلها مواقف ..
وأنت موقفك غير شكل ..Sorryههههههههههههههههههههه� �ه

[عطر طيبه]

وانا اخوك هذاي مشكلتنا الواحد منا مو حق كف واذا شاف بنت فجاءة تحول الي رامبو بيسوى فيها رجال وفي النهاية يسوى كم غرزة في راسة وتتجبر رجولة وتطير منة الوظيفة وتطير منة المزة يا شقى انت:مزون:

[إيطاليانو]

ايطالياااااااااااااااااان و

مشتكرة اوي اوي عالسولافه اللي بتدمع العين وبتئطع الالب ..............
نستناك في سولافه حلووووووووووووووووووووة
اووووووووووووووووكي :كلوش::كلوش:

لو علي تدميع العين مش مشكلة .. الكلينيكس هايحل الموضوع
لكن تقطيع القلب ما نقدرشي عليه ههههههه نعمل فيه إيه ده بقا
ههههههههههههه
الف سلامة علي عنيكي وعلي قلبك يا قمر
نور بنى تميم
منورة السالفه والله
يلا سلامو عليكو

[إيطاليانو]

المواقف هي الحياة ألي نعيشها علشان كذا حياتنا كلها مواقف ..
وأنت موقفك غير شكل ..Sorryههههههههههههههههههههه� �ه

ألا قوليلي الأول .. يعنى إيه غير شكل دي ؟؟!!
سوري معلش أصل أنا مش من البلد دي
ههههههههههههه

[إيطاليانو]

وانا اخوك هذاي مشكلتنا الواحد منا مو حق كف واذا شاف بنت فجاءة تحول الي رامبو بيسوى فيها رجال وفي النهاية يسوى كم غرزة في راسة وتتجبر رجولة وتطير منة الوظيفة وتطير منة المزة يا شقى انت:مزون:

هههههههههههه يا تغور الوظيفه في ستين داهية وتغور المُزة كمان هههههههههههه
أهى توبة لو الواحد فكر يعمل رامبو تانى ولا حتى يعمل أميتاب باتشان
هههههههههههه
تسلم يا عطر طيب علي مرورك يا مان