مباشر من قاعة الامتحان

[حنان]

هنا نهاية رحلة
منذ بضعة أشهر بدأنا والآن
نستعد لنهايتها
..
امتحان كلمة تعني في أغلب الاحيان
توتر ..قلق .. شبح ..
..
للطالب والمعلم
..
في هذه الفترة
نشعر فيها بكثير من الأحاسيس وتمر بنا العديد من المواقف ..
..
حاول أن تسجل ما يحدث لك مواقف او أحاسيس ..مباشر ( فش خلقك )
في قاعة الامتحان ..
مع ورقة طالب..
مع سؤال..
مع حالة صعبه ..
أي شئ له علاقة بهذه الفترة ويفيد بشكل جدي أو بشكل ساخر ..

بداية ..
اليوم السبت
التاريخ : 18/11/1424هـ
المادة : ...
الفترة :الاولى
الزمن: ثلاث ساعات:o
..
كالعادة مع أول يوم امتحان الكل يجري للحاق بركب الخط الأحمر ..
الامتحان يبدأ الساعة السابعة والربع والخط الأحمر يسير قبل الامتحان بنصف ساعة
حاولت جاهدة أن أصحو من النوم الساعة الخامسة والنصف ..
الساعة ترن . ترن ..
وأنا ما زلت أحلم مع صوت تساقط المطر على المكيف ..
ليست الساعة أنه المطر ..
لسه بدري ..
ترن ..ترن ..
صوت ..صوت الساعه ..
مددت يدي ..
وبكل حنيه على جرس المنبه ..
أصمت بهدوء ..
واكلمت حلم البارحة..
والمطر .. وأنا
الصوت الذي لم يجعلني أنام
وشئ في الغرفة يستغيث غير صوت المطر ..
صوت ماذا ؟؟
أنه صوت الجوال ..
*ألو ..
** نايمه ؟؟
*لا صحيت ..
** مري علي ..
*حاضر ..الساعة كم الان
6** وربع ..
والخط الساعة 6.45 .
· طيب باااي ..جاية..
لممت نفسي وأستعديت خلال 20 دقيقه
ولا تمشيط شعر .. ولا شئ
وفي بالي امتحان الرياضيات ثلاث ساعات :o
ركبت السيارة ..وصلت لزميلتي أخذتها
وصلنا المدرسة الساعة السابعة ..
بحث عن أسمي بين الملاحظات ..
غير موجود
غريبة كلمة دائما نرددها ( لانه من سابع المستحيلات ) أن يفوتني امتحان الرياضيات ..قدري
يعني أمشط شعري .. وأتزين ..وأفطر:برافو:
عملت نفسي متعاونه ودخلت البنات القاعات ..
وجلست أعمل الشاي ..
وأنا بعدي ما ني مصدقه ..
مو معقوله ما أدخل ملاحظة رياضيات ..
صبيت الشاي ..
وتوني بشرب ..:o
جات المراقبة ..
حنان ملاحظة :بفكر:
ملاحظة أي صف ثالث علمي رياضيات :o
ولا كأن الموضوع ثلاث ساعات .. ولا كأنه رياضيات ..
حملت الكوب ..
رحت القاعة.. زمليتي في المشقه.
تسأل **أنتٍِ مش معاي ؟؟ معاي ساره
كيف صرت أنت ؟؟
ابتسمت :D حظي الرياضيات يحبني وأحبه من يومي ..
هيئت نفسي للأمر..
كان الأمل رائدي ..وتوكلت على رب العالمين .. وبدأت الرحلة ..
عينك في ورقتك .. اكتبي على الهامش
أكتبي اسمك .. ووو
وفجأة أتت ساره وهي مبسوطه
قالت أنا هنا في هذه القاعة
قلت :صحيح خليك طيب انا أكمل ووينك يا الباب
...

[جواهر]

حنان


وانا اليوم وقفه ثلاث ساااعات



شي يونس وع البرد يا سلام سلم



خلاص بكتب مذكرات يوميه للي يصير داخل قاعات الأمتحان





يسعدش ربي حنو

[بدر]

لاحول الله .


ثلاث ساعات وطفشتن؟؟؟


ياحليلكم بس .


الحين واللي ينطق بالعمل 10 ساعات (الدوام الرسمي ).. إذا كان حظه حلو ..

وإذا كان حظه شين . يعقد 14 -15 ساعة باليوم ؟؟؟؟إذا كان فيه شغل لازم ينهيه ........



<<== المسكين هذا .. :o



بدوووووري

[جواهر]

بدر



حناااا وقفه وبحلقه با البنات




با الأمانه 10 ساعات واقف ولاا جالس ولا رايح جاي هنا وهناك;);)



وبعدين اذكر ربك

[حنان]

جواهر

بدر

يوقف عشر ساعات

جد ..

او جالس

ثلاث ساعات رياضيات

بريك نصف او ربع ساعه

ملاحظة ثانيه ساعتين

يعني رياضه وقوف 5 ساعات باليوم

وعينك لازم تكون مفتوحه

وعقلك ما يشت ..

وبعدين تصحيح الى الساعة 3 العصر:o

..
جواهر اليوم حر ..
والبخور من اول يوم ..:p
لكن ما وقفت الا ساعة الا ربع الفترة الثانيه
وبقول لكم ايش صار
..
باي

[معشـوقتك]

الله يعينك ويعينا ياحنااان الوقفه فينا فينا

لكن معقوله مافيه كرسي للراحه والله احنا ارحم منكم على الاقل لازم فيه كرسي

في القاعه للراحه نتناوب عليه انا واللي معاي

وياليت الاخ بدر بس لو يجرب وقفة ساعه مو ثلاث ساعات نشوف تتحمل

وانشالله ننقل المواقف اللي تحصل
مشكوووره حنونه

معشـــــوقتك

[قوت القلوب]

يعطيكم العافيه
ولاتنسون تغشوشون البنات
سي يا

[أبوعبدالرحمن]

اليوم زي العادة

الرياضيات مشكلة المرحلة المتوسطة وكل المراحل

بقول لكم موقف حقيقي حصل اليوم


كان فيه طالب غايب وكنت جالس على طاولته واحاول اني افهم اسئلة الرياضيات اللي كانت بإنتظار الطالب الغائب ,,

وكان جنبي طالب منازل كبير بالسن وكان يأشر باصبعه على السؤال رقم اثنين

انا قمت قريت له السؤال بصوت عالي عشان يسمع غيره ولا احد يسألني في القاعة اللي عدد الطلاب فيها حوالي ثلاث مية طالب

المهم وانا اقرا استغربت انه يقولي اووووووووووص بس بس

والله عصبت صدق

بس يوم اكتشفت انه يحسبني طالب منازل ويبيني اغششه ضحكت لين بغيت اطيح من على الكرسي

وقلت له يابوي انا مدرس هنا واحمد ربك ما طحت بيد مدرس غيري وإلا كان مسكك الباب

وبعدها قررت اني اسوي رياضة واقوم اتمشى شوي واشرب شاي واطلع الدور الثاني واطلع فوق سطح

المدرسة ...


صراحة وجودي في الاختبار ماله داعي

قاعة كبيرة فيها عشرين معلم على ثلاثمية طالب

والله محد يدري من جا ومن راح

ومن غش ومن غاب


وبعلمكم عن سهم المنايا

فيه طالب طلع من الامتحان ولا جاوب على الورقة الثانية

وجا على نهاية الفترة ويقول انا ما دريت ويبكي وهو له ساعة في الخارج يعني قرا وعرف كل الاجابات

المهم سهم نزلت عليه الرحمة اليوم واعطاه ورقته وقال له خلاص لا تبكي يلاا خذ ورقتك وجاوب


المصيبة ان الولد جلس يبكي ولا جاوب لين دق الجرس

جاوب على سؤال واحد وكان جوابه غلط

[حنان]

اليوم الاحد
التاريخ 19/11
الفترة الثانية
الصف اول ثانوي
المادة حديث ..
..
أحجز كرسي بس
تعبانة مرة
عيني مغمضة
وظهري مكسور
ورجلي ما تشليني
..
برجع
اتابع احداث اليوم

[بدر]

جواهر .. حنان ..

والله إني مرات اتمنى إني اجلس .. والله اتمناها بالحسره .

واحياناً اتمنى الوقفه باللي اهي به ..


تخيلي أجي الدوام الساعة 8.00 الصباح . من اجي لين الظهر . تقريبا . مرات ماارفع راسي عن الأوراق .. معاملات وقرف ومتقدمين للوظائف والتحويله ماستكت .. والجوال يرن .. والقى فرصه 5 او 10 دقائق ادخل فيها نت واطلع ادخن شوي .. ومن ارجع .. يامراجعة تبي تشوف وش صار بإجازتها . او وحده رافعه شكوى او واحد يبي يوظف اخوه جايني يتلوى ...

شوي إلا المدير داق علي .. وش صار على الورقة الفلانيه .وشف فلان زين اموره تراي اعرفه ومن طرفي ..

<<== يعني تخلصه غصب ..


بعد الظهر بعد ماتتغدى . جلسه على الجهاز تزين شغل اليوم . تجيك مراجعة أو مراجع توه قاعد من النوم .. ومعبي كلام له اسبوع . ويقعد يسئلك اسئله زي وجهه ويسوي معرفه ويحتك .. ويجيب لك سوالف بارده زي وجهه ... وانت تنغصب تتصنع الضحكه عشان ماتزعل على الاقل من باب الأخلاق . .. .

وإلا يجون اثنين يسولفون على راسك ..

بعدها اذان العصر .. تصلي وترجع تكمل شغلك .. ومايمديك ترفع راسك إلا المغرب مأذن ..

بعد الصلاه .. تخلص الشغل اللي باقي . وتجهز اوراقك حقت بكره ..

اليوم الثاني مقابلات للوظائف .. وترشيح وزحمه .

يعني اكثر من شغلة في مكان واحد ..


اقسم بالله إني مرات اتمنى إني مدرس .


والله إنكم براحه طول العام وإجازة اربع شهور .. احمدوا ربكم والله إنكم بنعمة مايعرفها إلا اللي فاقدها .


بس صراحه تجي ايام والله إني اجلس والله لاشغلة ولا مشغله .. بس فيه ايام والله تطلع روحي وماخلص .


بس إجمالا الحمد لله على كل شئ .

<<=== تحسونه مسكين .

بس والله يسكتوننا بالراتب .. ;)

يعني لو اشتغل 18 ساعة باليوم والله لاجلس .



بدوووووووووووووري

[حنان]

كاتب الرسالة الأصلية حنان
اليوم الاحد
التاريخ 19/11
الفترة الثانية
الصف اول ثانوي
المادة حديث ..
..
أحجز كرسي بس
تعبانة مرة
عيني مغمضة
وظهري مكسور
ورجلي ما تشليني
..
برجع
اتابع احداث اليوم

عدت :D
...
آلاف من الكيلوات .بل أطنان من المعلومات
نشوي بها أدمغة طلابنا وطالباتنا ..
حشو لمجرد الحشو ..
كتب ..أوراق ..دفاتر
نقرأ .. نكتب ..نشرح .. ننسق
تجلس الطالبة على الكرسي تتلقى وتتلقى
وفي الأخير ..تتطاير في الهواء ..
المعلومات والأوراق..
..
ولو نلاحظ مصير الكتب و الأوراق
غالية قبل دخول القاعة ..
وتداس تحت الأقدام بعد الامتحان ( تهان )
..
نكرر كل شئ ..
حسبنا أن التكرار يعلم الشطار
لكن التكرار يظل تكرار .......
..
*من جد وجد ومن زرع حصد
· العلم نور والجهل ظلام
· الوقت كالسيف أن لم تقطعه قطعك .
· إذا كان الكلام من فضة فأن السكوت من ذهب..

..
أين التطبيق ؟؟؟

[حنان]

معشـوقتك

الكراسي موجودة

للحوامل

ولو وحدة مثلي حملت كراسي وراحت فيه القاعه :o

تصير سخريه..

واحيانا يكون فيه كرسي زايد ..

وبيني وبينك فرصة نكسر فيه الارجل شويه رياضه ..

لكن اليوم طلعت رياضه عنيفه

..
ننتظرك
..
قوت لو كنت معلمة
ما قلت غششي البنات
بتحطي لهم اسئله
غير شكل
وخصوصا لما تشرحي الدرس وبنت تمشط شعرها
او طول الحصة وهي في المراية ..

..
الف شكر

[حنان]

جميل بابا سعد

صرت في محو الامية ...:D

حنا في القاعه معلمتين على 22 طالبه

وسهم طيب ..ما يعرف انه لا فائده
وهو ما طبطب على الطفل عدل
ولا خلااه يسترخي ..
ينيمة ولا يعطية الورقه:p

شريرة من التعب

[الأميرة الناعمة]

الله يعينكم يا مدرسات

اللي ما يدرس ما يعرف حقيقة تعب المدرسات كيف

انا عندي خالاتي يا حياتي وربي اني ارحمهم

حنان ما عليكي لا تغششين احد :نأ:

[أبوعبدالرحمن]

اليوم عادي جدا



مراقبة

شاي

جوال


الشيء الوحيد المميز ان طالب طلب مني افسر له كلمة في الفقة

وصراحة ما عرفتها

كان السؤال مكتوب بطريقه غبية

س1 : ما حكم ( التسيك )

صراحة طاح وجهي ما اعرف التسيك وش هو

وقلت للطالب هذا درس عندكم المفروض انت تعرف وش التسيك

هذا كبرك ولا تعرف التسيك ,,, جيل اخر زمن >>> عاش مصرف

اخرتها طلع التسيك هو استخام المسواك:(



حسبي الله ونعم الوكيل في هالمدرس