[align=center]
.. بسم الله ..
بدون مقدمات ..
مناجاه مع الذيب .. فقط لاغير ...:)
[poem=font="Simplified Arabic,4,red,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
خاويت ناسٍ ماتعرف المواجيب = وصرة الخوي اللي يوْجب خويه
/
جازوني بالشينه وانا جازي الطيب = لي نيةٍ وحده ولهم آلف نيه
/
صارة سوالفنا كما قصة كليب = جبن ونذاله مع عزومٍ رديه
/
صدام راح وشعبه آصبح ببو غريب = سبة خيانة شرذمه جاونيه
/
وانا سبب همي جروحٍ معاطيب = من خوة اللي مايعرف الحميه
/
ياذيب جر الصوت طالبك ياذيب =جره وانا وياك .. برضٍ خليه
/
ياذيب رافقني وخل التعاجيب = مال العجب ياذيب فالشمس فيّه
/
ياذيب حالي سل من هالعذاريب = من هالزمن ياذيب جتني اذيه
/
ياذيب مال الطيب زاد ومشاريب = المصلحه ياذيب .. منيِ وعليه
/
ياذيب هالخوه ..تجينا بترتيب = تخطيط واضح جاي ميه بميه
/
ياذيب مابه صدق كله آلاعيب = ماتصدق الخوه .. ولو هي شويه
/
وصار الفخر ياذيب في فعلة العيب = كلٍ تفاخر بالخطاء .. والخطيه
/
معاد باقي غير خوتك ياذيب = خلك خويٍ ما يخلي .. خويه [/poem]
وسلامتكم ...
آخوكم الـ/ مســافر .../ حسين بن عزام الغنامي
.
.[/align]
رد مع اقتباس
