[poem=font="Simplified Arabic,6,darkblue,bold,normal" bkcolor="sienna" bkimage="backgrounds/23.gif" border="solid,8,darkblue" type=1 line=1 align=center use=ex num="0,black"]
على قولة خلف يانار شبي=مدام ايست من جرجي وطبي
وعلى جاش المعنا ياهبايب=مثل ماقال بن جدلان هبي
انا مماشكا الاثنين شاكي=وصدري من عنا الوقت متعبي
ليا مني بغيت اسج وادله=ينبيني عن الماضي منبي
هواجيسي مع تشرب وتاكل=تقول اني لها مثل المربي
اعيش اليوم وانضر ويش بكره=ولدري ويش لي بكره يخبي
صبرت وطال صبري وانتظاري=وحار الفكر ويش أخذ وكبي
اقول الله يعدل كل مايل=وتقبل دعوة الصوت الملبي
ولاياغايبن مده طويله=بعد لعب الدهر بعدك لعبي
عليك القلب يصفق في ضلوعي=وتحت رحات حبك طاح حبي
انا المغرم وانا اللي فيك هايم=سمايه من مطر شوقك تصبي
وصوف الظبي تأخذ من وصوفك=اهبي ياعيون الحسد اهبي
جمال الكون ثلثينه ملكته=.وقلبن في وصالك مشهربي
نعيش بذكرياك أجمل دقايق=والقيها من ألاعماق لبي
ألك فالقلب قدرن مايوصف=وفي جسمي وفعروقي يدبي
ولوأنك تروح بعيد غالي=وجدا عيني تذب الدمع ذبي
ولكن بننا شرطن من أول=يصان مع الزمن حب المحبي
وانابشكي وفي شكواي حاجه=وشكوايه مسندها لربي
ابا أدعيلك ونفس الوقت أبا أدعي=عليك ويختلط مدحي وسبي
الا يالله تجزا اللي ظلمي=وترظالي على جرحي وطبي
لان الجرح مايبرا بليا=علاجه يايدين الجرح تبي
وانا خابرك هذيه وهاذي=لذالك يختلط مدحي وسبي
[/poem]
رد مع اقتباس
المشاركة الأصلية كتبت بواسطة مسعود الرشيدي
