بسم الله الرحمن الرحيم
السلام عليكم ورحمة الله وبركاته :-
[poem=font="Simplified Arabic,4,darkblue,bold,normal" bkcolor="transparent" bkimage="backgrounds/2.gif" border="double,10,sandybrown" type=2 line=0 align=center use=sp num="0,black"]
سلك السّوالف يالنقيلي تجرّه =ما دمت بين النّاس ترخي سموعك
لكن خذ علم بصدرك تصرّه = وبله حقوق ودوم يطفي شموعك
ولّي صفاة نابته راس حرّه = هشمتها لعل تهشم ضلوعك
ما تدري ان السيل فيها مقرّه = ولا تدري انك قاصر اليوم بوعك
أثرك ما تنفع بوجهك مبرّه = لدعاية الفرقا تجمّع جموعك
والله لاولع فيك نار المضرّه = واعطيك قول في صميمك يروعك
الوقت لا بدّه يجي فيه فرّه =واليا صفى لك يوم ما بان جوعك
تحسبك سيد ما لحق بك تشرّه = ولا همّنا شكلك وجنسك ونوعك
والله ما عدك مع نجوم المجرّه = لعلّها صفعه تزيّن طبوعك
واليا التوى ذيله وبان لك حرّه = طلبتني تسعى وحولك ربوعك
وش عاد أسوي فيك يا شيخ مرّه = عندي تساوى قلعتك مع رجوعك
ما عاد لك مع سبّق الخيل كرّه = لو كنت بين القوم تجمع فزوعك
من برّنا بالخير حنّا نبرّه =والاّ انت ما تقنع لو انّا نصوعك
ثوب الخنا والحقد لازم نزرّه = وحصاد قولك من منابت زروعك[/poem]
وسلاااااااااامتكم