[poem=font="Simplified Arabic,5,black,normal,normal" bkcolor="white" bkimage="backgrounds/15.gif" border="outset,4,gray" type=1 line=0 align=center use=ex num="0,black"]
انا مـكــــرُ مــــكـرُ مــقــبلُ مــقــبـل=مـا نـي مـكــرُ مـفـــرُ مـــقـبـلُ مـــدبــر
انا كليـث يسوس الـــغاب ويجنــــدل=ما ني كجلمود صــخــر ســــــال متحـدر
انا هنـا حـيث ما اجلـــس انــا الاول=انا هنا الثانـــي والــــثــــالث وانا الاجــدر
والي يبي يـرتكز بعدي ومســـتعجــل=يترك مسـافــة ثــــلاث ارقــام او اكــثــر
وان كان دار الغزل عاشق ومتغزل =في داخلي قلب في درب الهــوى اخـضــر
والحب له واجب(ن) عندي وانا الاعـدل=وان هب طاري الــغزل لي قصة تذكــــر
والشعر ياهل الغزل في قصتي يـنـهــل=والشـعـر كـيّـيـف في طاري الغزل يسكـر
وانتم تبون الغزل وانا له الافــحــــل=اعطوني الحـبر والـقرطـاس والـدفـتــــر
بكتب لكم من روايا الماضي الافظل =عنـي وحظً لفى في سـالـفي الاغبــــر
ايام راحــت وعــيـني بالهوى تكحل=والقـلـب بـيـن الـقلوب الـخــضر يـتـبـختــــر
واجر ثوب ملاه الــــعز واتــهول=بـــيـن الـعـذارى وافـر الـــمـسـبـحة وافتـــر
واشوف كل العذارى صعبهم اسهل=(يـعـنـي مـع الـمـعـذرة واثــــق ومـتكــبر)
الين قابلت ذاك المترف الاجـــــمل =النـاعـم الـفـاتـن الـــدلــــوع والـأ صـغـر
الرايق الساحر المـزيون والاكـمــل=الواثــق الـرائـــع الــمـتــغـظـرس المبهر
خلاني اتبعه واطـرد فيه واتولــول=من حيث مـــا راح لارادع ولامـنـذر
كني طرف شيلته مربوط ومكـبــل=لاهـمـني هـيـئـة الـمـعـروف والـمنكـر
قربت يمه وانا لـلـحــب متــســول=قلت اعطني من جمـال الـلـه لاتـكـــفــر
ناظر تبسم وجاوبنــي وانا اســـــأل =وهـو سـألـنـي وجـاوبـتـه وانــــا الاشطــر
عيونه الواسعه تمــهل ولاتهــمــل =حديث منــطــوقـها مـعـــــــسـول كالسكـــر
قلت امش وياي سايرني ولاتخجل=قـال انـتـبـه لا قـريـبـــــــي فـجـاة يـظـهــر
من بعدها قلت له بالحال ماتجهل=قـال اعـطـنـي رقــــــم جـوالـــك اذا تـقـــدر
سجلت رقمي على منديلي المهمل=ردت وحطتــــــه فــي منـديلها الاحــمـر
شكرت حظ كريم كـان مـايبـخـل=والـوقـت والــسوق والي جـابـهـا يـشـكـــر
روحت للبيت لامشرب ولامأكــــل =واجــر مـــن شيشتي المخلوط واعــمـــر
طال انتظاري وليلي بالعــنـا طول=ماغير افــكــر فـي الي صار واتــدبـــر
واخذت اناظر جهازي خوف لايقفل=والخـــوف مــــن قــلة الابــراج يـتـعـثـر
كسلان والنوم غطى جسمي الاكسل=نايـم عـلـى صـحـوة الـجــوال ومـخــدر
والا ورنة جهازي النوكــيا تجــفــــل =من عـيني النوم قـالــت ردني واســهـر
رديت وانا لصــوت الـزيـــن مـتـامـل=والا وصوت نـــــشاز صاحبه يــقــهـر
قال انت مسفر صحيبي جاري الاسفل=قلت انت غلطــان ماني صاحبك مسفــر
قال اعتذر عالـغلط وارجوك لاتزعـل =قــلت انقلــــع واقفل الجـــوال وتيسـر
من بعدهـــا طــار عني النوم وتـوكـل=خـلاني احــسـب بـقـايا الـلـيل متكـدر
ناظرت محزون فــــي الجوال مـتملل=واشـــكي له الحال والي صار واتـصبـر
فجأه بريد الرســــايل قام يــتــزلــزل =جــتنـي رســـالة هوى مجهولة المصــدر
تــقــول يابوي انا ماني في المنزل=انـا ونـوره بـمـنـزل خــالــها نــســمـر
العين مستغربـه والرمــــــش ماينــزل=والاذن مـتـولـهـه و الـقـب يـــتـــفطـر
قررت اتلفن على جوالها وارسل=لعله الناعم الدلوع والأصغـــر
قالت الو قلت الو يعني من المرسل=قالت من المتصل والصوت يتكسـر
قلت انت راعي الدلع والزين والاجمل=قالت انا المرسلة واخطيت في الــــnambr
قفلت والحظ لي بالصوت ماوصل=والحظ مادام لي والسمع يتحســــر
رديت ادوره حول السوق واتجول=دورت حتى على منديله الاحمــــر
و اسأل عنه كل من لاقيتها واسأل =حتى هل السوق والي ريت والعسكــــر[/poem]
[grade="8B0000 FF0000 FF7F50"]تحياتي للجميع عنفوان الحب
وحتى لايتم نقل القصيدة
اخووكم ....ياسر الصعب......[/grade]
رد مع اقتباس
مافي شي اسمه محال
المشاركة الأصلية كتبت بواسطة بـنـت الـشـيـوخ
