السلام
هلا وغلا باعضاء منتدانا الغالي
بقولكم قصة اختي الصغيره اللي ببتدائي وانشالله تعجبكم
اختي الصغيره بدون سابق انذار صارت تشعر لنا وكل يوم طالعه لنا بشعر جديد ويوم من الايام تجمعنا عند جدتي وماكان موجود الا انا واختي (الشاعرة)<<اللي يقول اسمها هز الديرة وبنات عمتي المهم جلست اختي تسمعهم من الشعر اللي كاتبته وهي تقول الشعر وتحديدا كانت تقول كلمة احبك دخلت جدتي علينا بالغرفه واسمعتها وهي تقول احبك وقالت لها توك صغيرة على هالكلام وبعدين وشو اللي حب وخرابيط هذا وانتي صغيرة تحبين وش خليتي للبنات الكبار وتاخذ النعال وانتوا بكرامه وتضربها واختي الصغيرة تبي تدافع عن نفسها تبي تقول انه شعر وجدتي مو معطتها وقت تضرب فيها وانا وبنات عمتي مو قادرين نتحرك او نتكلم الضحك شل كل شي فينا واختي تصرخ تقول قولوا لها فهموها وجدتي مقفله معاها على كلمة احبك ويوم هدت جدتي فهمتها اختي وعاد جدتي من الفشيله قالت حتى لو شعر الحب وكلمة احبك مو من سنك وخلي هالخرابيط عنك وانتبهي لدراستك واختي شوي وتبكي وتقول انشالله بس مرة ثانيه فهمي السالفه بعدين اضربي تراك كسرتيني واسفه طولت عليكم وانتظر ردوركم اللي اكثر من روعه
اختكم الخياليه
[/img]
رد مع اقتباس
[/mark]
![الصورة الرمزية ][*+عجــايب+*][](image.php?u=33&dateline=1164057206 "الصورة الرمزية ][*+عجــايب+*][")
