سلااااااااااااااام
من العايدين الفايزين ان شاء الله
وكل عااام وانتم بخير
يقولون ليلى بالعراق جريحه دئلت
وانا اقول حسبي الله على بوووش
<<== نفسي افهم وش دخلها في الموضوع
**********
المهم ياجماعة الربع
هذي سالفه صارت قبل سنوات خلت
في احد اعياد الاضحى اشترينا كبش سمين عشان الاضحيه
هذا الخروف ماخذ مني موقف مدري ليه ؟ وكل مامريته وهو مربوط ينظر لي نظرات عدوانيه
وبعد صلاة العيد ولان اخواني الكبار رايحين للحج وانا ذيك الايام ادرس بالثانوي
عطتني الوالده 100 ريال عشان أسلخ الذبيحه
انا يوم شفت الميه قررت ازرفها .. واقنعت الوالده انه لازم نذبح الذبيحه بانفسنا عشان الاجرا
ولازم يعتمد علينا <<== يخطط على الميه
طبعاً انا وواحد من اخواني اصغر مني يدرس بالمتوسطه مسميه انا الواد بليه
طبعاً انا مسويه فيها معلم وجزار والوااااد بليه يحضر لي عدة الشغل من سكين وساطور وخلااافوه
قلت خلااااص روح فك الخروف وجيبه ... ويوم فكه وشافني الخروووف وتركبه العفاريت
ويجيني يمشي مليون يبغى ينطحني
وانا انحاااش ومن زود الخوف ازحلق في مويه في الحوووش قرررررررررررررربع
الا انا منسدح والخروف يجي يزززززحف وراي لين حضر بحضني
وانا من الخوف امسك قرونه قلت تكفى .. تووووووووبه بنعقد صلح
وهو مصرررررر وراسه والف سيف الا ينطحني يحاول يوقف ويزحلق
وانا اتغافله وانحاش وادخل البيت واسكر الباب
الحين مافي الحوش الا هو والواد بليه ويقوم يفحط ورا بليه
والخبل يفتح باب الشارع وينحاش والخروووف وراه
ويوم طلع الشارع وانا الحقهم ... واطلب الفزعه
الحين وسعت العمليه واصبحت مطارده كبرى اشترك فيها واحد من جيرانا بسيارته الهمر
وجارنا الثاني على جيب وتساندهم فرقه من الدوريات الامنيه وفريق من الدفاع المدني اشترك باحدى طائراته الهليكوبتر
وبعد يوم شاااق وجهود مضنيه حشروه بزاويه بين الفيصليه والمملكة والقوا القبض عليه
مو صاحي ذاك الخروف مركب مكينه سلقه .. ودعامات وقرون جاموسه
أما حكاية ذبحه تحتاج لحلقه كامله
قريباً الجزء الثاني
تحية عطرة