بسم الله الرحمن الرحيم

بنات انا باختصار زوجي دق علي و قالي بسافر توه بسم الله طالع من الحجز قلتله وين ؟ قال ابو ظبي مع ربعي بالدوام


بنات صاير كل ما ينزل المعاش يسافر معاهم هو توه ناقلينه عند هالشله الي مايعلم فيها الا ربي هاذي 2 مره يروح المره الي طافت قالي سعوديه وانا متاكده انه رايح البحرين لانه رد شاري بخور غالي 😳😳😳


المهم قلتله ما تروح وانرحت والله ما اكلمك ... وسكرته


دق علي من باجر ان رفيجه حجزله و هو متفشل و راح يروح و غصبن عني و يهددني بعد ويقولي لا تعاندين كلهم متزوجين حريمهم ما قالوا شي 😡
وانا انا اذا كبرتراسي راح اتحسف 😳😳😳 المهم وهو دايمن يقولي ما عندي فلوس وانا عاذرته لاني توني متخرجه لا اعانه ولا معاش كله ضغط عليه و حارمه نفسي من اشياء واجد اخرتها تسافر الله من وين طلعت الفلوس و الله اني منقهره
وقلتله ليش رايح قالي بروح اشوف الطيور وكم اسعارهم خير ان شاء الله من متي وانت مهتم بالطيور 😳😳😳😳😳😳 عندي احساس انه رايح لخراب وصياعه اكيد


الحين انا دازتله واتس اب و قلتله لا تكلمني و لاتسال عنا و هو يدز وانا ما ارد استقبلت بس ما رديت تدرون شقال








هين اوريج لرديت دواج عندي
بذمتكم منو الغلطان زهقت ما ابيه يسافر ابيه يتوووب شلون شالحل ؟؟؟


اخاف السالفه تكبر و توصل لطلاق ما ابي اطلق انا صغيره عمري 23 وعندي ولد واحب زوجي وهو والله مو مقصر بس عليه سفرات تحر شالحل


ناطره نصايحكم خواتي .....