[align=center]بـــســـم الله الــرحــمـــن الــرحــيـــم
أيها الاخوة والاخوات الافاضل أسعد الله أوقاتكـم بكـل خيـر
هذه مشاركة متواضعه عسى أن تنال إعجابكم وهو غاية مطلبي
قصيدة غزلية بعنوان (( أبو جديـل ٍ فـوق الأمتـان مائـل ))[/align]
[poem=font="Simplified Arabic,6,white,bold,normal" bkcolor="transparent" bkimage="backgrounds/21.gif" border="solid,7,deeppink" type=2 line=0 align=center use=ex num="0,black"]
يا عايض المنعـور ودّ الرسائـل=يم الوليف اللـي ذبحنـي بزينـه
يم الوليف اللـي جمالـه هوائـل=يهول من شافـه بخـده وعينـه
وخصر ٍ نحيل ٍ منه شفت النكائـل=شفت القهر في دنيتـي والغبينـه
أبو جديل ٍ فـوق الأمتـان مائـل=شقرن يغذيها الشمطـري متينـه
تشبه لشرطان الذهـب بالمثائـل=وألا الذهب يشبه لصافي جبينـه
غرون غرير وفيه كـل الكمائـل=عشر ٍ مع أربع لا حسبنا سنينـه
توّه أصغير ولا استمـع للعذائـل=ما يستمع للهرج زينـه وشينـه
أليا وصلته يـا حميـد الفعائـل=فعطه جوابٍ يـا لوفـي كاتبينـه
عطه الجواب وهات منه الدلائـل=هات الدلائل كـان يبغـى ظنينـه
كان العهد مع طول الأيـام طائـل=ما غيّروه أهل القلـوب اللعينـه
ما غيّروه أهل القلـوب الغلائـل=ناس ٍ وراء الغائب تقود السفينـه
وإن كان عينه صوب غيري تخائل=فقله ترى الأيـام بينـي وبينـه
وقله ترى غيـره بنلقـى بدائـل=غيره كثير من الصفات الحسينـه
ومن حدته شمس الضحى والقوائل=يصبر على ما جـاه والله يعينـه
وصلاة ربي عـد وبـل المخائـل=علـى نبـي ٍ كلنـا تـا بعينـه [/poem]
أخوكم الشاعر // الحميدي بن سعد السويدي السبيعي
رد مع اقتباس
المشاركة الأصلية كتبت بواسطة محمد بن ضاوي
