هذي قصيده للشاعر/ محمد الشهري(( شاعر المختلف القادم))
بصراااحه أعجبتني وبقوووه حبيت تقرونها وتستمتعون فيها..
[poem=font="Simplified Arabic,4,white,normal,normal" bkcolor="transparent" bkimage="backgrounds/37.gif" border="none,4,gray" type=0 line=0 align=center use=ex num="0,black"]
أبدماجيت أبارك لك ولكن جيت باوصيك=على اللي ناويٍ تدخل بها الليله معذّبتي
ترى لولا الظروف اللي عطتك وحدّت محاكيك=قسم بالله ماتدخل عليها لو على رقبتي
ولكن النصيب أقوى ولا أدري ويش اسوي فيك=نعم صارت معزّبتك ولاصارت معزبتي
كذا شاءت بنا الأقدار تحرمني لجل تعطيك=كذا لازم عشان تفوز إنت أخسر بتجربتي
تراها غاليه جداً وتكفى والله يخليك=تدللها تدلعها تنسيها مصاحبتي
أنا من كثر مااغليها أحس إني بديت أغليك=ولاتسأل بأيّة حق؟ ولاّ وش مناسبتي؟!!
لإنك لو بتسألني بتسمع شي مايرضيك=لذا ياخوي لاتسأل ولاتسمع لأجوبتي
أبيك تحطها في داخل عيونك وبين إيديك=وهي دلوعه إعتادت على كثرة مداعبتي
فداعبها شوي شوي حتى تشتهي طاريك=وشاغبها إلين تقول لك: بطّل مشاغبتي
وإذا هي مالها خلقك..ولاتضحك ولا تسليك=تحمّلها وإسألها: ياعمري ليش عصّبتي
وبالك أسمع إنك يوم تضربها وهي تشكيك=مايحتاج أورّي لك بفن الضرب موهبتي
صحيح إنك بتملكها ومعك العقد بالتمليك=وانا عارف حدود الله ومن حقك معاقبتي
ولكن قلها المجنون وصّاني وهو يعنيك=يقول:إنّه بينتظرك ولو شيّب وشيّبتي
وانا مجنونها اللي مانساها وانت مايمديك=تغطي ذكرياتي في هواها وربع تجربتي
أحس إني تماديت بكلامي والغضب حاديك=لوإنّك في مكاني ماتفكر في محاسبتي
كفاك إني تركت الليله أشغالي عشان أجيك=دخلت القاعه برجلي ولا أدري ويش عاقبتي
وانا ماجيت أخرّب عرسك الليله ولا أذّيك=أنا جيتك عشان أخاطبك وإسمع مخاطبتي
توصّى وإنتبه وإحرص عليها والله يهنيك=ترى كل الكلام اللي طلع من ضيقي وكبتي
ولكن ماقدرت إني أقوله وانت مايخفيك=أخاف إني إذا قلته تقوم وتقطع رقبتي....[/poem]
الدندووووونه
رد مع اقتباس
-new.gif)
