[align=center]بسم الله الرحمن الرحيم
قصيده حديثه
مناسبتها مؤسفه جدا
فالمتربصون كُثر
في زمن أصبح به الجهلا بوفره
والعقلاء بنُدره[/align]
[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
لو ضاعت الأخلاق تبقى المبادي= مهما حصل لي ما تنازلت عنها
وعضوية الحره ولو هي رمادي= ماهو بقاهرها ولاهو غبنها
مدام هي عضوية أهل الفسادي = ماهي بمنهم صدق ولاهم بمنها
تبقى بياض ٍ ما يخالط سوادي= ويسطر التاريخ شامخ زمنها
لا يا وسيع العرف بالحيل غادي = ماهي من اللي كلمتك تحتضنها
ولاهي رخيصه يا مريض الفوادي=ما كل بنت خاضعتله ضمنها
ولاهي رخيصه يا خبيث المرادي = دور على مثلك رخيص ٍ ثمنها
متظاهر ٍ بالطيب ودور القيادي = وماهو مميز شامها من يمنها
هذا بوادي والمراجل بوادي = حتى وهو في كلمته ماوزنها
وكر ٍ من الألماس والجو هادي= ريب المباني والسخافه وطنها
لب الفساد ومزبن ٍ للجرادي = كثرت علوم الناس باللي سكنها
قبل أمس نادى بالخلايق منادي = وبانت نواياها عقب ما دفنها
ماهي بمخيفه وعلم ٍ وكادي =لو هو بشي من الدسايس دهنها
لو المشاكل من ضعيفين عادي= مير البلا من اللي دياره حصنها
وليت المشاكل من سعاد وهنادي = مير البلا فيها وفيها ومنها
يالله وانا دايم عليك إعتمادي = عِنها على الأنذال يا رب عِنها
وأكتب لها في كل خطوه سدادي= والنفس من كيد المعادين صنها[/poem]