الوحم وسنينه ,,,
اهلا بيكو ازيكو عاملين ايه
من الامور اللي شدت انتباهي من فتره ماهي بسيطه وموتتني ضحك سالفة الوحم اللي تمر فيه الحامل في بدايات الحمل وسمعت حكايات واجد عنه لكن اللي شفته بعيني مع وحم اختي غير عن كل اللي سمعته
في اول حمل لها كانت مع رجلها بالشرقيه وبالتحديد الخبر ومسكت معاها الساعه 2 صباحا تاكل ام علي ,,, لف زوجها لف لف الخبر كلها العالم كلها قفلت لامطاعم ولاهم يطعمون وهم مايعرفون احد هناك رايحين يتمشون ,,, يقول زوجها بلشت بعمري مدري وين اروح وهي بس تطالع فيني وتاكل باظافرها تنتظر ام علي ههههههههههه ومالقيت قدامي الا فندق ميريديان على الكورنيش واروح له لقيت البوفيه قفل من الساعه 11 رحت للاستقبال قلت لو سمحت ابي الشيف حقكم هنا قال نايم الرجال قلت معليش مسأله مهمه قالوا بس اكيد هذا عنده حفله بكره مستعجله ويبي يتفق على تفاصيلها ,,, راحوا صحوا الشيف جا وعيونه ربع فتحه وفيها مليون كيلو نوم قال امرك قلت له تعال نتكلم على جنب متفشل يكلمه قدام العالم وقال له على المشكله ,,, طلع الشيف مغربي وجنتل مات ضحك طبعا على الموقف وقال له رح لف ساعه عالكورنيش وارجع ,,, بعد ساعه رجع لقاه مجهزله طبق ام علي لاربعه اشخاص ,,, يقول بغيت احب راسه فكني من رجة اختك بالسياره ,,, رحنا للبيت طالعت فيه اختك وكلت شوي بطرف الملعقه وبس انسدت نفسها هههههههههههههه يقول من القهر قعدت اسخن وآكل فيه اربعه ايام ههههههههههه
:كلوش:
بعد كم يوم طلع براسها تاكل بصل هولندي وهذا عاد مقدور عليه البصل بكل محل قالت لالا هوووولندي قلت وش الفرق قالت ابيض وصغنتوووت وبارد وطعمه حلو ههههههههههههه الحين من هولندا ماتوحمتي الا على بصل وين الورود والعطور صدق انك وجه فقر ورحت للسيفوي والقى الكيلو بثمانين ريال هههههههههههههههههههههه اغلى من الورود وخوف بعد لاينقطع الهولندي اخذت 3 كيلو قلت خلها تشبع بصل او لايجي البزر وعيونه بيض مثل بصل هولندا
:mf_popean
الحمل الثاني لها شدت الحاله شوي وبدت الوحم بدري مرررره واول شيء توحمت عليه صابون تايد ههههههههههههههه صابون عاد يقول وايام مرت علي لاجيت انام الا كني نايم جنب غساله كل ريحتها صابون وكلوركس ومطهرات هههههههههههههههههههه وبعد فتره جيت من العمل والقى فمها ازررررررق مسكت معها على الحبر وماخلت انبوبة حبر مافكتها ومصتها والوان العصار بعد ماسلمت منها
وحرب بيني وبينها على الادوات المكتبيه لييييييين جت الطامه وقالت لي نفسي بغرا ؟؟؟ غرااااااا عاد لو تموتين ماجبت لك غرا ماناقص الا هي تدمنين غرا وصار محتاس بعمره وكلم وحده من خواته تخصص علم نفس عاد هذي وافتت من عندها قالت الوحم حاله نفسيه قد تؤدي الى الاكتئاب و و و قال لها انا اللي جاني اكتئاب الحين يعني ياتاكل غرا يايجيني ورع بجبهته علبة غراااا ههههههههههههههههههههههههه بكيفه خله يجي ولاتاكل غرا لكن هي دبرت عمرها لقت لها ربطة ظروف حقة رسايل ولحست الصمغ اللي عليها كله هههههههههههههههههههه يقول جتها دوخه و3 ايام وهي مسطوله ونايمه وبس جت سليمه هالمره
:11retcher
الحمل الثالث كان زوجها متعود على غرائب الوحم لكن هي جابت العيد هالمره ,,,, اول ماتوحمت على سمنت هههههههههههههه يقول صرت امر العماير اللي توها تبنا واطلب منهم شوي سمنت واوديه لها تشمه بس تاكله لا لكن الظاهر كانت تسفه من وراي ,,,, والمصيبه الاخيره كلمناهم مره ولقيناهم في الطريق للمزاحميه لمزرعتهم ,,, خير وش الطاري ؟ قال ابد اختك بانيه لها مجمع ببطنها وناقصها شوي تراب من المزاحميه ههههههههه اثرها متوحمه على الطين اللي شافته مره بالمزرعه بالساقي وقعدت تزن على راسه لين وداها تاكل منه ,,,,
يقول الفشيله لو اتصل بي احد وقال وينك فيه ؟؟ وش اقول له بالله ؟؟ ,,, اقول رايح ااكل زوجتي تراب بالمزاحميه هههههههههههههههههه بيقولون يعني ماسدتك تربان الرياض كلها وموديها للمزاحميه هههههههههههههه
اكيد سوالف الوحم وهباله كثيره وكل وحده او واحد منكم مرت عليه سالفه ياليت يشاركنا فيها
اختكم /// النجلاء
رد مع اقتباس
[/mark]
