[align=center]
كل نبره لها اثر فكيف اذا كانت النبره مبحوحة كبحة السهران الذي يتصلى على نار اشواقه
فهذه القصيدة وليدة لحظة بأمر نبرة البحة الساهرة اتمنى ان تحوز على اعجابكم
وان تصل حروفها المبحوحه للقلب [/align]
[poem=font="Simplified Arabic,6,indigo,bold,normal" bkcolor="transparent" bkimage="backgrounds/19.gif" border="none,4,gray" type=2 line=0 align=center use=ex num="0,black"]
هلا يالبحة اللي كنها صوت الوتر والناي = هلا بالبحة اللي من نغمها يطرب العصفور
هلا يا بحة تفرد حجاجيني وتهز عضاي = وتـشرح صدري الضايق و تجبر خــاطري المكسور
صباح الـخـير من ثـغـرك تـلـون بالــزهـر دنـيـاي = مع النسمة وشعاع الشمس تنثر لي رحيق عطور
وش النسمة وش النغمة وش القمري وخـريـر الماي = إلا ذوبتي المبحوح في سمعي حروف شعور
ليا منه رشف سمعي حروفك يرتوي مظماي = ويخضر الهشيم وينبت بصدري رياض زهور
واحس ان الخزامى والنفل بسمك تبوس شفاي = وجسمي كنه الروض اللي توه بالوسم ممطور
حروفك في شتاء عروقي تـتـل البرد من اقـصـاي = و تدفي شاعر إحساسك و يــبـني من قصيده قصور
حروفك صبح ما اسمعها تبعثر هاجسي ضوضاي = واضيع بزحمة الأصوات وصوتي يكشف المستور
وأنادي بسمك المقفي على دربي وأنادي الجاي = ويرجع لي صدى صوت أمس وكني الشارع المهجور
واحس الروح بردانه وشرياني جمد بدماي = واشوف الناس من حولي نصايب والبيوت قبور
حروفك هي عناويني بها اعرف دربي ومعناي = بها نبضي بها انفاسي وشرب وقوة وظل ونور
تحياتي لاحبابي[/poem]
رد مع اقتباس
