أشفق على نفسي لأني سبب مشاكلي

لأني وايد خذلت نفسي

اتخذت قرارات حطمتني

انا لا زلت نفس الانسانة خارجيا بس محطمة في الداخل

بس كل تجاربي فالحياة ماعلمتني


مشكلتي قلبي رهيييييييييف وغير عقلانية وحساسة بطريقة جنونية

من صغري تعودت على القسوة وكنت ادور حد يحبني
وكان هذا أقصى طموحي وكنت دايما افكر متى تبدا قصتي متى اعيش قصة حب ادري انه شيء ساذج لاقصى حد بس انا كان تفكيري محدود لهالدرجة
وكنت اتمنى لو حد يحن علي .. اي حد يطبطب ويرحم طفولتي
بس من وانا طفلة لقيت معاملة الكبار وكنت اكره هالشيء

حجة مستهلكة بس شسوي



كبرت وحبيت وعشت قصة جميلة مثل ما تمنيت واكثر بس انتهت نهاية مؤلمة
كل ماتذكرها يتجدد فيني الألم

تركني مثل جماد بدون اي احترام لمشاعري

نسيت الحب والتفاصيل الجميلة اللي جمعتنا ف يوم بس الألم ومرارة الذكريات
والشعور بانج غير مرغوبة كسرني ومستحيل أنسى
صرت مابي احب وصرت ما أحس ما اتالم ما أتاثر مثل اي بنت

توظفت والتهيت وتحطمت بجو عمل كئيب

لا تقدير وعداوات ومشاكل وحسد

محد متقبل وجودي وكارهيني ومكرهيني فالدوام ومطلعيني من مشكلة ومدخليني ف مشكلة ثانية


وصارت لي مشكلة مع موظف بسبب الموظفات وكان معصب علي بطريقة خلتني اصيح مثل الياهل جدامه
وكان اخر الدوام وتفاهمنا بالتلفون وفهمته واصررت ع موقفي وعطيته أدلة تبريني من كل اتهاماتهم

وعدت على خير

بس ماكان هذا اخر اتصال

هو محترم وإنسان جيد بحسب اللي انا أشوفه بس ليش انا جذي ليش بدون ما احس دخلت لنفس الدوامة اللي شوهتني ودمرتني

لوين بنوصل؟ مابي قصة يديدة وألم يديد .. انا بروحي ف فوضى وأحس هالشيء بعثرنيييييي زيادة
احس اني مثل الطفل ما أتعلم .. ويمكن الطفل يكون اذكى مني لانه يتعلم ويفهم من تجاربه

بس انا لا .. اتبع قلبي اللي كل مره يخذلني

كيف انهي كل شيء قبل مانوصل لمرحلة يكون صعب فيها اني اقول لا

في إحساس غريب احس فيه من زمان ماحسيت فيه
صوته مايخليني اتركه وف كل مره اخذل نفس وارد على اتصالاته
وحتى لو تركته كيف بشوفه كل يوم
كيف بتعامل معاه بعد هالتحربة

أجذب. عليكم لو قلت اني احبه بس تعلقت فيه
احس وجوده كمل علي اشياء كانت ناقصتني
بس ف نفس الوقت نغص علي وايد اشياء
عذاب الضمير اولها


منو عندها تجربة مشابهة لتجربتي وتساعدني
مب عارفة كيف أتصرف