[align=center]السلام عليكم ورحمه الله وبركاته[/align]
[align=center]الفيه الجبيري[/align]
[poem=font="Simplified Arabic,6,indigo,bold,italic" bkcolor="transparent" bkimage="backgrounds/17.gif" border="none,4,gray" type=2 line=0 align=center use=ex num="0,black"]
الـف اولـف واتنـقـى الجزيـلـي=وادور اخيـاره ولالــي بديـلـي
اخيـاره اخيـاره ويهبـا الهزيلـي=وياليتها في السوق تشـرى وتنبـاع
والبـا بقـول وقولنـا يالـعـوارف=امثيل من شرف علـى رجـم نايـف
يـدور ذهيـب(ن) معاهـا ولايـف=وانتم لنا مثـل الموصـف للوضـاع
والتـا تذكرنـا ديــار(ن) لهـنـا=والاشواق فـي توصيفهـا يعجزنـا
ديـار(ن) لهنـا وبسمهـم يذكـرنـا=عسا السحاب يعلها وترجـع ارجـاع
والثا ثراك العطف اطيب من المسـك=دار من اسمها ينعرف مالك الصـك
عطف الجبيري مالكك حامل اسمـك=غصب على الانذال ومن جاك طماع
والجيم جار العطـف يبشـر بعـزه=والله مـا يلـقـا يـكـود المـعـزه
ون حدتـه غبـر اليـالـي بـلـزه=فحنا هـل الازمـات لحتـاج منـاع
والحا حمينا العطف يـوم الطماعـه=يـوم العـرب كـل تعيشـه ذراعـه
ومن حدته نفسـه يشـوف المجاعـه=ويموت ما حصل ورا العطف مرتاع
والخا نخـاوي مـن يريـد مخوانـا=ويامن غدر ليام وهـو فـي حمانـا
مكفي الفقر والخـوف دامـه معانـا=وماقدره ربـه فـلا عنـه مجـزاع
والـدل دري يـا المثايـل علـيـه=والشـاردات اللـي بعـيـد شـويـه
هلـم هلـم نبغـا نتخـاوا سـويـه=ونغوص في بحر المثايل والارمـاع
والـذال ذللـت القـوافـي وذلــت=وعقب العقل والقيـد عافـت وملـت
وجتني كما مزنن مـن الجـو هلـت=سالت عواليها ونشـت علـى القـاع
والرا ركبتك يا لصيلـه مـن الخيـل=شقـرا وانـا خيالهـا دون تـاويـل
اركـب عليهـا لابغيـت التعالـيـل=وتجلاهمـوم داخـل الصـدر زراع
والزين زينك بيـن جمـع الاصايـل=مثل البـدر مـا بيـن نجـم تهايـل
انتـي الاصيـل ولا عليـك البدايـل=انتي طرب قلبي وعينـي والاسمـاع
والسين ساسك مـن خيـول صليبـه=الاسـم فـاروق وصيتـه دريـبـه
خيل الملـوك اللـي بنجـد عريبـه=آل السعود اللي لهـم طولـت البـاع
والشين شومـي يالغناديـر شومـي=عـن كـل هلبـاج كثيـر العلومـي
من كثر مالـه قـام مخبـاه يومـي=ولاصاح صياح الطلب يالربع ضاع
والصاد صـك القفـل دون الدنانيـر=ويقول صرف المال يا نـاس تبذيـر
يحرم على قرش(ن) دخل فيه مايسير=ولانيب خيـال(ن) ولانيـب فـزاع
والضاد ضيمك يالليالـي المعاسيـر=على الرجال اللـي تقـود الطوابيـر
اللي لهم في حـزه الضيـق تائثيـر=يجلا حجاهـم كـل لباسـت إقنـاع
والطا طوانا فـي الزمـان إختلافـي=قام الشجيـع اليـوم يرجـع اخلافـي
مـن قـل مالـه مالقالـه لحـافـي=يصبر على ظيم الليالـي والاوجـاع
والظا ظـلام الليـل يجـلا سـواده=نور(ن) من المشرق يجـي بالسعـاده
تجلا به قلـوب(ن) ظنتهـا النكـاده=والسوق يعرف من شرابه ومن بـاع
والعين عندي حاجـت(ن) باعطيهـا=للـي يـدورهـا وهــوه يبيـهـا
فيا طالب الحاجـه لـزوم(ن) تجيهـا=وحـذرا تقـول ان التماهيـل سنـاع
والغين غاب الرجم ومن دونـه النـو=ولايمكن تشوفـه يكـود انـك علـو
علي مراقيبـك وحـذرا مـن دنـو=من شان ما تندب زمانك والاوضـاع
والقاف قم وانظر لبنـت الرخومـي=يجي ولدهـا كنـه افـروخ بومـي
لا مولـع نـار ولالـه عـزومـي=اكبر مقاصيـده يسـوق الغنـم راع
والفـا فـلا و الله يـحـرم علـيـه=بنت الضعيف اللـي عزومـه رديـه
ولو قـال خذهـا يالجبيـري هديـه=ماليبهـا لـو زينهـا لـه تشعشـاع
والكاف كاننـك تبـي شبـه الضـو=فناسب طويل ذراع وحذرا من البـو
ويا زينها لا جـات دينـن مـع بـو=غصب(ن) يقال شجاع واخر له شجاع
والام لامنـك تخـيـرت مجـنـاه=وطلبت ربـك تالـي الليـل يرعـاه
فابشر تلالي زوجتـه فـي الملاقـاه=ويجلا الهموم اللـي تجمـع تجمـاع
والميم منسـا اكلـب وهـي القبيلـه=وهي عزوتي لاجـا نهـار الدبيلـه
طريحهـم يعجـز رديفـه يشيـلـه=وافعالهـم ماهيـب لعـب وتصنـاع
والنون نون العين يطرب ليـا شفـت=اكلب عصاهـا واحـده مـا تخافـت
ترفع كتاب الله على الشرك والجبـت=وتدعـوا عبـاده بالتـودد والاقنـاع
والهـا هقاوينـا تعـدا المجـازيـع=وننذر عـدو الديـن قبـل المطاليـع
عرق الغدر ماهوب لكلـب مشاريـع=وذي اطماعنا يوم كل(ن) له اطمـاع
والـواو وينـك يالمعاميـل وينـك=ويا نجر دنـي ليـن نسمـع دنينـك
القاف شاب وحاجتي في يدينك=وياليت يمدي ونتمتع تمتاع
واليا يا رب إنـك تزيـد احسناتـي=وتغفر ذنوبـي قبـل حـل المماتـي
وصلوا على المختار زين الصفاتـي=محمد الهـادي إلـى خيـر مطـلاع
[/poem]
رد مع اقتباس
المشاركة الأصلية كتبت بواسطة مسعود الرشيدي
